अफगाणिस्तान: अफगाणिस्तान Afghanistan मध्ये आज शुक्रवारी एक मोठी दुर्घटना घडली आहे. येथील उत्तर कुंदुज प्रांतात Kunduz Mosque शुक्रवारच्या नमाज दरम्यान एका मशिदीत Blast in Mosque मोठा स्फोट झाला आहे. याबद्दल तालिबान पोलीस अधिकाऱ्याने माहिती दिली आहे की, या घटनेत किमान 100 लोक मारले गेले किंवा जखमी झाले आहेत अशी प्राथमिक माहिती देण्यात आली आहे. Afghanistan Bomb Blast

वृत्तानुसार, शिया मुस्लिमांना लक्ष्य करून हा हल्ला करण्यात आल्याचे सांगितले जात आहे. तालिबान Taliban अधिकारी दोस्त मोहम्मद ओबैदाह यांनी सांगितले की, 100 लोक हल्ल्याच्या कचाट्यात आले आहेत. यातील बहुतेक लोक मरण पावले आहेत. तरी वृत्तसंस्थेनुसार, 50 लोकांचा मृत्यू, 90 हून अधिक जखमी झाल्याची प्राथमिक महिती समोर येत आहे.

माहिती आणि संस्कृती उपमंत्री जबीउल्ला मुजाहिदी यांनी घटनेची पुष्टी केली. ते म्हणाले की, आज दुपारी कुंदुजमधील खानाबाद बंदर भागात शिया नागरिकांच्या मशिदीला स्फोट करण्यात आला आणि यामुळे अनेक नागरिक मरण पावले आणि जखमी झाले.

तर, सुरक्षा दल घटनास्थळी पोहोचले आहे आणि हल्ल्याचा तपास सुरू केला आहे. स्थानिक सुरक्षा अधिकाऱ्यांनी सांगितले की, शुक्रवारच्या नमाजसाठी मशिदीत 300 लोक उपस्थित होते. झालेल्या हल्ल्यामुळे प्रत्यक्षदर्शींनी सांगितले की किमान 100 लोक हल्ल्याच्या कचाट्यात आले आहेत. मात्र, अद्याप कोणत्याही दहशतवादी संघटनेने या हल्ल्याची जबाबदारी स्वीकारलेली नाही.

Edited By-Sanika Gade