Crime : एका तरुणीचे अपहरण करुन तिच्यावर लैंगिक अत्याचार केल्याची घटना उघडकीस आली आहे. आरोपी या तरुणीच्या घरी पूजा करण्यासाठी आला होता. पूजा साहित्य विसर्जन करण्यासाठी घेऊन जाण्याच्या बहाण्याने आरोपीने तिचे अपहरण केले. पळवून नेल्यानंतर तिच्यावर लैंगिक अत्याचार केले. या प्रकरणी पोलिसांनी आरोपीच्या विरुद्ध गुन्हा दाखल करण्यात आला आहे. आरोपी अजूनही फरार आहे. सदर घटना मध्यप्रदेशमधील दातिया जिल्ह्यात घडली आहे.

पीडित तरुणीने पोलिसांना दिलेल्या माहितीनुसार, तरुणीच्या घरात धार्मिक पूजेचे आयोजन करण्यात आले होते. तिच्याच घराजवळच्या परिसरातील एका तरुणाने पूजा आयोजित केली होती. पूजा संपन्न झाल्यानंतर तरुणी नदीत पूजा साहित्य विसर्जन करण्यासाठी तरुणासोबत गेली. एकटीच असल्याचा फायदा घेत आरोपीने तरुणीला पळवले. तू काही केलस तर तुझ्या घरच्यांच खरं काही नाही अशी धमकी आरोपीने तरुणीला दिली.

भीतीपोटी तरुणी आरोपीच्या बाईकवर बसली. आरोपीने तिला झाशी, आग्रा आणि नंतर बसने मथुरा येथे नेले. झाशी रेल्वे स्टेशनवरुन ते दोघे ट्रेनने आग्रा आणि नंतर बसने मथुरा येथे गेले. मथुरेला गेल्यानंतर एका आश्रमात भाड्याने खोली घेतली आणि तिच्यावर तीन दिवस लैंगिक अत्याचार केला. वारंवार विरोध करुन देखील आरोपीने पीडितेला सोडले नाही.

अत्याचार केल्यानंतर पीडितेला घेऊन आरोपी झाशीला आला. पीडितेला झाशीला काही दिवस मेडिकल कॉलेजजवळच्या एका खोलीत ठेवले. आरोपी तरुणीला उन्नाव शहरात सोडून पळून गेला. पीडितने लगेच पोलीस स्थानक गाठले आणि आरोपीविरोधात तक्रार दाखल केली. फरार आरोपीला शोधण्यासाठी पोलिसांचे प्रयत्न सुरु आहेत.