उत्तर प्रदेशची राजधानी लखनौमध्ये शनिवारी मोठी दुर्घटना घडलीय. शहरातील ट्रान्सफोर्ट नगरमध्ये असलेली एक इमारती कोसळल्याची घटना घडलीय. ही इमारत खांबांवर उभारण्यात आली होती. इमारत कोसळताच सर्वत्र ढगारा पसरला. या इमारतीत अनेक औषधी कंपन्यांची गोदामेही असल्याचे सांगण्यात येते. इमारतीच्या ढिगाऱ्याखाली अनेक जण अडकल्याची भीतीही व्यक्त केली जातेय.

मिळालेल्या माहितीनुसार, दुर्घटनाग्रस्त झालेली इमारत शहीद पथापासून काही अंतरावर होती. या पथावरील ट्रान्सपोर्ट नगरमध्ये असलेली इमारत शनिवारी सायंकाळी अचानकपणे कोसळली.या इमारतीच्या आजूबाजूला भरपूर पाणी साचले होते. त्यामुळे इमारतीचा पाया कमकुवत झाल्याचं सांगण्यात येत आहे. या इमारतीची देखभाल केली जात नव्हती. त्यामुळेच इमारत कोसळली असल्याचं म्हटलं जात आहे. इमारत कोसळल्याची दुर्घटना घडताच आजूबाजूच्या लोकांनी घटनास्थळी धाव घेतली. माहिती मिळताच पोलीसही पोहोचले. सध्या एसडीआरएफ आणि एनडीआरएफच्या पथकांना मदतकार्यासाठी पाचारण करण्यात आले आहे. लवकरच मदतकार्य सुरू करण्यात येईल.

अपघाताची माहिती मिळताच डीएम आणि महापालिका आयुक्त घटनास्थळी पोहोचले. सध्या अग्निशमन दलाचे जवान ढिगाऱ्याखाली अडकलेल्या लोकांना बाहेर काढण्याचे प्रयत्न करत आहेत. दुसरीकडे सीएम योगी यांनीही अपघाताची दखल घेतलीय. सीएम योगी यांनी पोलीस-प्रशासनाच्या अधिकाऱ्यांना घटनास्थळी पोहोचण्याच्या सूचना दिल्यात.