देशभरात लोकसभा निवडणुकीची रणधुमाळी सुरू आहे. विविध राज्यांतील अनेक मतदारसंघात आज उमेदवारी अर्ज दाखल केले जाणार आहेत.

वाराणसी लोकसभा मतदारसंघासाठी १ जूनला मतदान पार पडणार आहे. येथून पंतप्रधान नरेंद्र मोदी निवडणूक लढत आहेत. त्यांनी आज उमेदवारी अर्ज भरला.

पंतप्रधान नरेंद्र मोदी यांनी वाराणसीतून उमेदवारी अर्ज भरलाय. येथून मोदी तिसऱ्यांदा लोकसभा निवडणूक लढत आहेत. उमेदवारी अर्ज भरण्याआधी मोदींनी रॅली काढली. या रॅलीला मोठा प्रतिसाद मिळाल्याचं चित्र दिसून आलं.

मोदींनी अर्ज भरण्यापूर्वी वाराणसीमध्ये रोड शो झाला. रस्त्याच्या दुतर्फा मोठी गर्दी होती. त्यांचे सर्वत्र स्वागत करण्यात आले.

उमेदवारी अर्ज दाखल करण्यापूर्वी नरेंद्र मोदी दशाश्वमेध घाटावर गेले. तिथे त्यांनी पूजा केली. यावेळी गंगा आरती केली आणि दुग्धाभिषेक घातला.

मोदींच्या स्वागतासाठी वाराणसी येथील दशाश्वमेध घाट सजावण्यात आला होता. विशेष म्हणजे मोदींनी क्रूझ राईडचाही आनंद घेतला.

वाराणसी लोकसभा मतदारसंघातून मोदी तिसऱ्यांदा मैदानात उतरले आहेत. लोकसभा निवडणुकीच्या शेवटच्या टप्प्यातील मतदानाकडे संपूर्ण देशाचे लक्ष लागले आहे.