Lakshadweep Tourism Increase :

पंतप्रधान नरेंद्र मोदीच्या लक्षद्बीप भेटीनंतर पर्यटनात कमालीची वाढ झालीय. लक्षद्वीपच्या पर्यटनात ३,४००% ची वाढ झाल्याचा दावा मेक माय ट्रीप या ऑनलाइन ट्रॅव्हल कंपनीने केलाय. मेक माय ट्रीपने दिलेल्या माहितीनुसार, इंटरनेटवर केंद्रशासित प्रदेशचा शोध तब्बल ३,४०० टक्क्यांनी वाढलाय. लक्षद्वीपमध्ये बुकिंगसाठी गेल्या तीन दिवसांत मोठ्या प्रमाणात कॉल झाल्याचं वृत्तही ऑल इंडिया टूर अँड ट्रॅव्हल ऑपरेटर असोसिएशन दिलं होतं.(Latest News)

लक्षद्वीपला (Lakshadweep ) पर्यटनाला (Tourism) जाणाऱ्या लोकांची संख्या वाढू लागलीय. पंतप्रधान (Prime Minister) नरेंद्र मोदींनी (Narendra Modi) लक्षद्वीपला भेट दिल्यानंतर त्यांचे फोटो सोशल मीडियावर खूप व्हायरल झाले होते. पंतप्रधान मोदींनी कोची-लक्षद्वीप बेटांच्या पाणबुडी ऑप्टिकल फायबर कनेक्शनसह अनेक विकास प्रकल्पांचे उद्घाटन केले. त्यानंतर त्यांनी तेथील समुद्रकिनाऱ्यावर फेरफटका मारला.

 ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पंतप्रधान मोदींनी पर्यटकाना लक्षद्वीपला भेट देण्याचे आवाहन केले होते. पंतप्रधान मोदींचे फोटो इंटरनेटर खूप व्हायरल झाले. मोदींच्या भेटीनंतर लक्षद्वीपशी संबंधित गुगल सर्चमध्ये वाढ झालीय. इतकेच नाही तर . Google Trends नुसार लक्षद्वीप, दिल्ली ते लक्षद्वीप, आणि लक्षद्वीपला जाणार्‍या फ्लाइट्स यासारख्या शोधांमध्ये वाढ झाली.

मोदींच्या या भेटीनंतर मालदीवच्या राजकारण्यांनी पंतप्रधान मोदींवर अपमानास्पद टिप्पणी केली होती. त्यानंतर भारतात बॉयकॉट मालदीव ट्रेंड सुरू झाला. अनेक सेलिब्रिटींनी लक्षद्वीपच्या पर्यटनाला पाठिंबा दर्शवला. सोमवारी EaseMyTrip या भारतीय ऑनलाइन ट्रॅव्हल एजन्सीने जाहीर केले की त्यांनी मालदीवच्या फ्लाइटसाठी सर्व बुकिंग निलंबित केले आहे.