KRK Joining RSS: कमाल आर खान म्हणजे केआरके सोशल मीडियावर नेहमीच चर्चेत असतो. मागील काही दिवसांपुर्वीच त्याने केलेल्या एका वादग्रस्त ट्विटमुळे तुरुंगात देखील जायला लागलं होतं. तुरुंगातून बाहेर आल्यानंतर आता आणखी एक नवं ट्विट केल्यामुळे केआरके (Kamaal R. Khan) प्रचंड चर्चेत आला आहे.

जगातील सर्वात मोठं संघटन म्हणून ओळखल्या जाणाऱ्या राष्ट्रीय स्वयंसेवक संघामध्ये (RSS) येण्याची इच्छा व्यक्त करणार त्याने सध्या एक ट्विट (Tweet) केलं आहे. एवढंच नव्हे तर आरएसएस ला माझी गरज असेल तर मी संघात यायला तयार आहे असं देखील तो आपल्या ट्विटमध्ये म्हटला आहे.

केआरकेने आपल्या ट्विट मध्ये म्हटलं आहे की, 'आदरणीय डॉ. मोहन भागवत (Mohan Bhagwat), जर राष्ट्रीय स्वयंसेवक संघाला माझी गरज असेल तर मी संघात येण्यासाठी तयार आहे' असं ट्विट केआरकेने केलं आहे. महत्वाचं म्हणजे त्याने हे ट्विट महाराष्ट्राचे उपमुख्यमंत्री देवेंद्र फडणवीस यांना टॅग केल्यामुळे चर्चांना उधाण आलं आहे.

पाहा व्हिडीओ -

केआरके आपल्या वादग्रस्त ट्विटमुळे नेहमीच चर्चेत असतो. याआधी देखील त्याने आपणाला राजकारणात यायचं असल्याचं ट्विट केलं होतं. दरम्यान, केआरकेवर आपल्या जिम ट्रेनरसोबतशी गैरवर्तन केल्याचा आरोप देखील करण्यात आला आहे.

शिवाय बॉलिवूडमधील अभिनेते ऋषी कपूर आणि इरफान खान यांच्याबाबत वादग्रस्त ट्विट केल्याप्रकरणी प्रकरणी त्याला तुरुंगवास देखील भोगावा लागला होता. अशातच आता त्याने केलेल्या नव्या ट्विटमुळे तो पुन्हा चर्चेत आला आहे.

Edited By - Jagdish Patil