केरळमधून धक्कदायक बातमी समोर आली आहे. केरळच्या कोची येथे एका नौदलाच्या कर्मचाऱ्याने १५ वर्षांच्या मुलीवर अत्याचार केल्याची घटना उघडकीस आली आहे. महत्त्वाचं म्हणजे पीडित मुलगी CISF अधिकाऱ्याची मुलगी असून मूळची राजस्थानची आहे. पोलिसांनी या प्रकरणी आरोपीला अटक केली आहे. तसेच या घटनेने परिसरात खळबळ उडाली आहे.

मिळालेल्या माहितीनुसार, सदर घटना १७ नोव्हेंबर रोजी आरोपी राहत असलेल्या भाड्याच्या घरात घडली. आरोपी आणि पीडित मुलीमध्ये मैत्रीपूर्ण संबंध होते. या मैत्रीतून विश्वास संपादन करून तरुणाने तरुणीला विश्वासात घेतले आणि प्रेमसंबंधांच्या बहाण्याने तिच्यावर अत्याचार केले. सुरुवातीला पीडितेने नकार दर्शवला मात्र आरोपीने मुलीला धमकी देत अत्याचार केले.

याप्रकरणी पोलिसांनी मुलीने दाखल केलेल्या तक्रारीनंतर १८ नोव्हेंबर २०२५ रोजी पहाटे अमितला अटक केली. त्याच्यावर लैंगिक शोषण केल्याप्रकरणी गुन्हा दाखल करण्यात आला आहे. शिवाय आरोपीला एर्नाकुलम प्रथम श्रेणी न्यायदंडाधिकारी न्यायालयात हजर केले जाणार आहे.

SNCने म्हटले आहे की, हे प्रकरण अत्यंत गंभीर आहे. कायदा अंमलबजावणी आणि शिस्तीसाठी जबाबदार असलेले नौदल प्रोव्होस्ट तपासावर लक्ष ठेवत आहेत. संपूर्ण तपास आणि निष्पक्ष कायदेशीर निकाल सुनिश्चित करण्यासाठी कमांडने नागरी अधिकाऱ्यांना पूर्ण सहकार्य करण्याचे आश्वासन दिले आहे. या घटनेनेनंतर परिसरात खळबळ उडाली आहे. याप्रकरणी आरोपीला काय शिक्षा होणार हे पाहणं महत्त्वाचं ठरेल.