Jammu Kashmir News:

जम्मू-काश्मीरमधून (Jammu Kashmir) एक मोठी बातमी समोर आलीये. गुरुवार (४ जानेवारी) रोजी लष्कर आणि दहशतवाद्यांमध्ये गोळीबार झालाय. हा गोळीबार सलग २ दिवसांपासून सुरु आहे. दहशतवाद्यांचा शोध घेत असताना गावात प्रवेश करताच लष्करावर दहशतवाद्यांकडून गोळीबार करण्यात आला. त्यानंतर लष्कर आणि दहशतवादी यांच्यातील ही चकमक अजून सुरूच आहे. (साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

मिळालेल्या अधिक माहितीनुसार, कुलगाम जिल्ह्यातील हदिगाम भागात ही चकमक अद्यापही सुरु आहे. अदिगाम गाव येथे काही दहशतवादी लपून बसल्याची माहिती लष्कराला सूत्रांकडून मिळाली होती. मिळालेल्या माहितीनुसार सीआरपीएफ आणि लष्कराच्या संयुक्त मोहिमेत काल गावाला घेराव घालण्यात आला. यावेळी दहशतवादी आणि लष्करात मोठी चकमच झाली.

लष्कर आधिकाऱ्यांनी याबाबत दिलेल्या माहितीनुसार, शोध मोहिम सुरू असताना लष्कर पथक गावात दाखल होताच दहशतवाद्यांनी गोळीबार करण्यास सुरुवात केली. यावेळी पोलिसांसह सीआरपीएफ देखील घटनास्थळी उपस्थित होते. आजही दहशतवादी आणि लष्करातली चकमक सुरुच आहे.

मंगळवारीच गृहमंत्री अमित शहा यांनी जम्मू-काश्मीरमधील परिस्थितीबाबत दिल्लीत उच्चस्तरीय बैठक घेतली होती. या बैठकीत खोऱ्यातील दहशतवाद्यांचे सर्व डाव हाणून पाडण्याच्या सूचना दिल्या होत्या.

अनंतनाग चकमकीत सुरक्षा दलाला यश; एक दहशतवादी ठार

२४ डिसेंबर २०२३ रोजी जम्मू-काश्मीरमधील (Jammu Kashmir) अनंतनाग जिल्ह्यात पहाटे चकमक सुरू झाली होती. या चकमकीत सुरक्षा दलांनी एका दहशतवाद्याचा खात्मा केला होता. याबद्दल काश्मीर झोन पोलिसांनी ट्वीट करत माहिती दिली होती.

सध्या कुलगाम येथील अदिगाम गावात सुरु असलेल्या चकमकीत किती दहशतवादी ठार झाले आहेत याबाबत ठोस माहिती मिळालेली नाही.