jammu & kashmir News: जम्मू-काश्मीरमधून एक दुर्दैुवी घटना समोर आली आहे. जम्मू-काश्मीरच्या भारतीय सैन्य दलाचे जवान शहीद झाल्याचे दुर्दैवी वृत्त हाती आलं आहे. काही दिवसांपूर्वी पुंछमध्ये दहशतवादी हल्ल्यात ५ जवान शहीद झाले होते. त्यानंतर आज राजौरीत २ जवान शहीद झाल्याची माहिती समोर आली आहे. राजौरीजवळ रुग्णवाहिका दरीत पडल्यानंतर झालेल्या अपघातात २ जवान शहीद झाले आहेत. (Latest Marathi News)

मिळालेल्या माहितीनुसार, जम्मू-काश्मीरमध्ये जवान शहीद होण्याच्या घटना सुरूच आहे. राजौरीजवळील दरीत रुग्णवाहिका पडल्याने दोन जवान शहीद झाले आहेत. या दुर्घटनेत एक जवान हा राजौरीचा तर एक जवान बिहारचा (Bihar) होता.

अधिकाऱ्यांनी दिलेल्या माहितीनुसार, जवानांची रुग्णवाहिकेचा नियंत्रण रेषेखाली डुंगी गाला सेक्टरजवळ अपघात झाला. या अपघातात रुग्णवाहिकेचा चालक आणि एक जवान शहीद झाला. सिक्किममध्ये देखील या सारखीच दुर्दैवी घटना घडली होती. त्या घटनेत १६ जवानांचा मृत्यू झाला होता.

२० एप्रिलला ५ जवान शहीद

दरम्यान, गुरवारी २० एप्रिल रोजी जम्मू-काश्मीरच्या राजौरी सेक्टरच्या भीमबेर गल्ली आणि पुंछच्या दरम्यान एका वाहनावर दहशतवाद्यांनी हल्ला केला होता.

राष्ट्रीय रायफल्सचे ५ जवान शहीद झाले होते तर १ जवान गंभीर जखमी झाला होता. या हल्ल्याची जबाबदारी पीपल्स एंटी फॅसिस्ट फ्रंट नावाच्या संघटनेने घेतली होती.