भारताची जमिनीवरील सीमा सुमारे १५,२०० किलोमीटर आहे. अनेक सैनिक निधड्या छातीने सीमेवर तैनात आहेत. सीमेवर तैनात असणाऱ्या लष्कर दलापैकी एक म्हणजे ITBP तिबेटच्या सीमेवर 'इंडो-तिबेटियन बॉर्डर पोलिस'. लद्दाखमधील काराकोरमपासून अरुणाचल प्रदेशातील दिफुला पर्यंतच्या भारत-चीन सीमेवर हे दल तैनात असते. या दलातील सैनिक आपल्या भारत मातेच्या रक्षणासाठी तत्पर असतात.

पण भारत मातेचं रक्षण करणाऱ्या जवानाच्या आईला उपचार मिळत नसल्याचं प्रकार उघडकीस आला आहे. हे धक्कादायक वास्तव उत्तर प्रदेशातील कानपूरमधून समोर आले आहे. देशाच्या सीमांचे रक्षण करणारा एक आयटीबीपी जवान, गेल्या ३ दिवसांपासून आपल्या आईचा तुटलेला हात घेऊन भटकत आहे. डॉक्टरांच्या निष्काळजीपणामुळे जवानाच्या आईला आपला हात गमावला होता, असा आरोप त्या जवानाने केला आहे.

संपूर्ण प्रकरण काय आहे?

लष्कर जवानाच्या म्हणण्यानुसार, त्याच्या आईला श्वास घेण्यास त्रास होत होता आणि उपचारासाठी त्यांना कृष्णा रुग्णालयात दाखल करण्यात आले होते. डॉक्टरांच्या निष्काळजीपणामुळे रुग्णालयात दाखल झाल्याच्या दुसऱ्याच दिवशी आईच्या हाताला संसर्ग झाला. त्यांची प्रकृती अधिकच खालावल्यावर त्यांना पारस रुग्णालयात पाठवण्यात आले.

त्यांची तपासणी केल्यावर डॉक्टरांना समजले की संसर्ग तिच्या संपूर्ण हातात पसरला आहे. जवानाच्या आईचा जीव वाचवण्यासाठी त्यांचा हात कापावा लागेल. त्यानुसार, १७ तारखेला एका शस्त्रक्रियेत डॉक्टरांनी जवानाच्या आईचा उजवा हात कापला,

रुग्णालयाच्या निष्काळजीपणाबद्दल तक्रार करण्यासाठी त्याने रेल बाजार पोलीस ठाण्यात वारंवार भेटी दिल्या, पण पोलिसांनी कोणतीही कारवाई केली नाही, असा आरोप जवानाने केला आहे. दरम्यान नाइलाजाने न्याय मिळत नसल्यानं जवान मंगळवारी आपल्या आईचा तुटलेला हात घेऊन थेट पोलीस आयुक्तांच्या कार्यालयात गेला.