इस्रायल आणि सीरियामधील तणाव पुन्हा एकदा शिगेला पोहोचलाय. बुधवारी इस्रायली सैन्याने सीरियाची राजधानी दमास्कसमधील संरक्षण मंत्रालयाच्या मुख्यालयाजवळ आणि राष्ट्रपती राजवाड्याजवळ हवाई हल्ले केले. या हल्ल्याचे दृश्य कॅमेऱ्यात कैद झाली आहेत. अॅकर बातम्या देत असताना हा हवाई बॉम्ब हल्ला झाला. दमास्कसमधील एका वृत्तवाहिनीची अँकर स्टुडिओमध्ये बातम्या देत होती. स्फोटाच्या आवाजाने अॅकर घाबरली आणि स्टुडिओतून पळून गेली.

इस्रायलचे संरक्षण मंत्री इस्रायल काट्झ यांनी स्वतः हल्ल्याची पुष्टी केली. त्यांनी एक निवेदन जारी करत हल्ल्याची माहिती दिलीय. "दमास्कसमधील सीरियन लष्करी मुख्यालयाच्या प्रवेशद्वाराला लक्ष्य करण्यात आले." सीरियन सैन्याला सुवैदा येथून माघार घेण्याचा इशारा दिल्यानंतर ही कारवाई करण्यात आलीय. या भयानक हल्ल्याचे भयानक दृश्य समोर आले आहेत. या हल्ल्याचे अनेक व्हिडिओ सोशल मीडियावर व्हायरल होत आहेत.

एका व्हिडिओमध्ये एक सीरियन न्यूज अँकर घाबरून पळून जाताना दिसत आहे. व्हिडिओमध्ये अँकर बातम्या वाचताना दिसतेय. तेव्हा अचानक मागून मोठा स्फोट होतो. आवाजाने घाबरून अँकर ओरडते आणि तिच्या सीटवरून खाली उतरून पळून जाताना दिसतेय.