इराण आणि इस्त्रायल-अमेरिका यांच्यातील युद्ध आता नव्या वळणावर आलंय. बलाढ्य अमेरिकेसमोर दुबळ्या इराणची राजवट पत्त्याच्या बंगल्यासारखी कोसळेल, असं सर्वांनाच वाटत होतं. मात्र, इराणनं आपल्या युद्धसज्जतेनं इस्त्रायल-अमेरिकेच्या स्वप्नांना धुळीस मिळवलंय. शक्तीपेक्षा युक्तीवर भर देणाऱ्या इराणसारख्या देशात सत्तापालट करणं दोन्ही देशांसमोर कठीण होऊन बसलंय. अशातच आता नव्या इंटेलिजन्स रिपोर्ट आलाय आणि या रिपोर्टमध्ये नेमकं काय आहे पाहूयात.

इस्त्रायलची गुप्तचर यंत्रणा मोसादच्या प्रमुखांनी युद्ध सुरू होण्यापूर्वीच इराणमध्ये एका महिन्यात सत्ताबदल शक्य असल्याचं म्हटलं होतं. मात्र आता इराणमध्ये सत्ताबदलासाठी काही महिने नाही तर जवळपास 1 वर्षापर्यंतचा काळ लागू शकतो. इतकंच नाही तर मोसादचे प्रमुख डेविड बार्निया यांनी इस्त्रायली कॅबिनेटसमोर युद्धाचे संभाव्य परिणाम ,मांडतानाच तीन आठवड्यानंतरही इराणमध्ये खामेनींची पकड कायम आहे.

दरम्यान, अमेरिकेच्या गुप्तचर प्रमुख तुलसी गबार्ड यांनी देखील इराणमधील खामेनी सत्तेसंदर्भात असंच भाष्य केलं होतं. त्यामुळे इतक्या दिवसांनंतरही इराणला झुकवणं शक्य झालं नसल्याची कबुलीच इस्त्रायलने दिली आहे. आखाती युद्धाला अजून महिनाही पुर्ण झालेला नाही तरी देखिल अर्ध्या जगावर इंधन टचाईचं संकट ओढवलंय. आता जर इराणच्या सत्तांतरापर्यंत युद्ध सुरु ठेवलं तर तोपर्यंत संपूर्ण जग वेठीस धरलं जाण्याची शक्यताच अधिक आहे.