दोन आठवड्यांच्या युद्धविरामाची घोषणा झाली. आणि जगानं सुटकेचा निश्वास सोडला..मात्र हा आनंद क्षणभुंगर ठरलाय...एकीकडे अमेरिका आणि इराणमध्ये कागदावर करार होत असताना, दुसरीकडे इस्रायलनं लेबनॉनवर विध्वसंक हल्ला केला... इराणने 'होर्मुझची सामुद्रधुनी' खुली करावी आणि बदल्यात अमेरिकेने हल्ले थांबवावेत,असा करार झालेला असताना इस्रायलच्या युद्धखोर भूमिकेमुळे पुन्हा युद्धाचा वणवा पेटणार असल्याचं चित्र निर्माण झालाय...

युद्धविरामानंतर जगाचं लक्ष इराणकडे असताना, इस्रायलने अचानक लेबनॉनच्या हिजबुल्लावर मोठा हल्ला चढवला... अवघ्या 10 मिनिटांत बैरुत, बेक्का व्हॅली आणि दक्षिण लेबनॉनमधील 100 हून अधिक कमांड सेंटर्स उद्ध्वस्त करण्यात आली...या हल्ल्यात 254 लोक मारले गेले तर 1 हजारहून अधिक नागरिक जखमी झालेत...

दरम्यान इराणच्या IRGC नं होर्मुझ सामुद्रधुनीत समुद्री सुरुंग पेरल्याचा संकेत देणारा नकाशा प्रसिद्ध केलाय...या नकाशात मोठे वर्तुळ करून पर्शियन भाषेत डेंजर झोन असं सांगण्यात आलंय....त्यामुळे जगाच्या इंधन पुरवठ्यावर गंभीर परिणाम घडवून आणण्याचा इशारा इराणनं दिलाय... मात्र युद्धखोर इस्रायलनं इराणच्या धमकीला हलक्यात घेत... लेबनॉनवर हल्ले सुरु ठेवण्याचा इशारा दिलाय... इस्रायली पंतप्रधान ब्रेजामिन नेत्यनाहू काय म्हणाले ऐका...

"इराणसोबतच्या युद्धविरामात हिजबुल्लाचा समावेश नाही. त्यामुळे इस्रायल लेबनॉनवरील हल्ले सुरूच ठेवेल," दुसरीकडे इस्रायलच्या युद्धखोर भूमिकेमुळे आणि इराणनं होर्मुझमध्ये सुरुंग पेरल्याच्या संशयामुळे अमेरिकेच्या पायाखालची जमिनीच हादरलीय..त्यामुळे.ट्रम्प यांनी पुन्हा इराणच्या धमकीला प्रत्युत्तर दिलंय..

इराणसोबत झालेल्या नव्या कराराची पूर्णपणे अंमलबजावणी होईपर्यंत अमेरिकेच्या सर्व युद्धनौका, विमाने आणि सैन्य दल इराणच्या अवतीभवती तैनात राहतील. जर कोणत्याही कारणास्तव या कराराचे उल्लंघन झाले. तर असं युद्ध सुरू होईल जे जगाने यापूर्वी कधीही पाहिलं नसेल..ट्रम्प यांच्या या इशाऱ्यामुळे पुढील मोहिमेसाठी अमेरिकी सैन्य सज्ज असल्याचं आणि अमेरिका इज बॅकची भूमिका कायम असल्याचं पाहायला मिळतयं... त्यामुळे अमेरिका आणि इराणमधील हा युद्धविराम किती काळ टिकणार? लेबनॉनवरील हल्ले इस्रायल थांबवणार का? आणि जर लेबनॉनवरील हल्ल्यामुळे इराणनं होर्मुझ जलमार्ग रोखल्यास शांततेचा हा शेवटा करार जगाला महायुद्धाच्या खाईत लोटणार का? याकडे जगाचं लक्ष लागलयं...