Health Insurance:

ज्येष्ठ नागरिकांसाठी एक अत्यंत महत्वाची बातमी आहे. 65 वर्षावरील वयाच्या ज्येष्ठ्यांनाही यापुढे आरोग्य विम्याचं कवच मिळणार आहे. कारण आरोग्य विम्याच्या पॉलिसमध्ये बदल करण्यात आले आहेत. आता वयाचं कारण देऊन विमा कंपन्या ज्येष्ठांना आरोग्य विमा नाकारता येणार नाही.

धकाधकीचं जीवन, वाढते आजार यामुळे आरोग्य विमा अर्थात मेडिक्लेम आपल्या आयुष्याचा भाग बनलाय. हाच आरोग्यविमा काढताना ज्येष्ठ नागिरकांना अडचणींचा सामना करावा लागत. मात्र आता काळजी करण्याचं कारण नाही कारण IRDAI विम्याचे नियम शिथील केले आहेत.

त्यानुसार आता आरोग्य विमा काढताना वयाची अट असणार नाही. 65 वर्षांवरील ज्येष्ठांनाही विमा काढता येईल. याशिवाय गंभीर आजार असल्यास त्या व्यक्तीला मेडिक्लेम पॉलिसी नाकारता येणार नाही. 1 एप्रिल 2024 पासून हे नवे नियम लागू होतील.

यातच आता कितीही वय असले तरी आरोग्य विमा काढता येईल. कर्करोग, हृदयरोग, किडनी विकार, एड्स सारख्या आजारांना विमा नाकारता येणार नाही. आरोग्य विम्याचा प्रतीक्षा कालावधी 48 महिन्यांवरून 36 महिने करण्यात आलाय.

दरम्यान, यापूर्वी 65 वयापर्यंतच्याच व्यक्तिंना आरोग्य विम्याचा लाभ मिळत होता. मात्र आता नवीन निय़मानुसार सर्वांनाच विमा काढता येईल. ज्येष्ठांसाठी निश्चितच ही समाधानाची बाब म्हणावी लागेल.