भारताकडे वाकड्या नजरेनं पाहणाऱ्या पाकिस्तानी सैनिक आणि दहशतवाद्यांची धुळधाण उडवणारी ही आहे एआय सक्षम नेगेव लाईट मशीन गन....याच गनमुळे पाकिस्तान आणि चीनला पळता भुई थोडी होणार आहे...कारण तब्बल 14 हजार फूट उंचीवर एआय सक्षम नेगेव लाईट मशीन गनची यशस्वी चाचणी भारताने केलीय आणि त्यामुळे भारताच्या शत्रूंचे धाबे दणाणलेत. मात्र काय खास आहे या मशीन गनमध्ये? पाहूयात....

मशीन गनची वैशिष्ट्ये

जगातील धोकादायक मशीन गनपैकी एक

थर्मल आणि ऑप्टिकल सेन्सर्सद्वारे अचूक निशाणा

हवामान, अंतर आणि तापमान यासारख्या घटकांचा विचार करून गोळीबार

सैनिक तैनात करणे कठीण असलेल्या ठिकाणी उपयुक्त ठरणार

प्रति मिनिट 850 ते 1 हजार 50 राऊंड फायर करण्याची क्षमता

मशीन गनची 300 ते 1 हजार मीटर फायरिंग रेंज

14 हजार फूट उंचीवर यशस्वी चाचणी

ही सगळी या मशीन गनची वैशिष्ट्य असली तरी तिचा सगळ्यात मोठा फायदा म्हणजे या गनमध्ये शत्रूला ओळखून स्वतःहून गोळीबार करण्याची क्षमता आहे. होय, हे शस्त्र कृत्रिम बुद्धिमत्ता म्हणजेच एआयने सुसज्ज आहे, जे शत्रूंना ओळखू शकतं आणि स्वतःहून गोळीबार करू शकतं. त्यामुळे भविष्यातील युद्धांमध्ये, विशेषतः सीमावर्ती डोंगराळ भागात हे तंत्रज्ञान अत्यंत महत्वाचं ठरणार आहे.. जिथे मानवी सैनिक तैनात करणं धोकादायक आहे, तिथे हे शस्त्र शत्रूचा खेळ खल्लास करू शकतं.

देहरादूनच्या BSS मटेरियल लिमिटेड या कंपनीनं भारतीय सैन्याच्या सहकार्याने तयार केलेल्या गनमुळे भारतीय सैन्याची ताकद वाढणार आहे..त्यामुळेच पाकिस्तान थरथर कापतोय.. आता चीन्यांनी आणि पाकड्यांनी कुरापत केल्यास त्यांची खैर नाही, हे मात्र नक्की....