पहलगाम हल्ल्याला भारतानं ऑपरेशन सिंदूरमधून जोरदार प्रत्युत्तर दिलयं. या कारवाईत भारतीय लष्कर, नौदल आणि हवाई दलाने मिळून पाकमधील दहशतवाद्यांना कंठस्नान घातलय. 25 मिनिटांच्या या निर्णायक हल्ल्यात 21 दहशतवादी ठिकाणांना लक्ष्य करण्यात आलं. ज्यामध्ये 100 हून अधिक दहशतवादी मारले गेले. या हल्ल्यात भारतानं अशी शस्त्र वापरली ज्यामुळे पाकचे तुकडे तुकडे झालेत.

भारतानं ऑपरेशन सिंदूरच्या माध्यमातून केलेली कारवाई दहशतवादाविरोधातील होती. भारताच्या सार्वभौमत्त्वावर हल्ला करणाऱ्या पाकला अद्दल घडवण्यासाठी भारतानं हा निर्णायक हल्ला केला. त्यामुळे पाकिस्तानमधील दहशतवाद्याचे अड्डे रिकामे होऊ लागलेत. भारतानं पाकच्या भूमीवर केलेली ही तिसरी कारवाई आहे. त्यामुळे आतातरी पाकिस्तान सुधारेल, ही आशा. अन्यथा याहून जोरदार झटका पाकला दिल्याशिवाय भारत गप्प बसणार नाही.