चॅम्पियन्स ट्रॉफीमधील भारत आणि पाकिस्तान यांच्यातील सामन्याबद्दल आयआयटी बाबांनी एक भाकीत केलं होतं. त्याने म्हटले होतं की भारत पाकिस्तानविरुद्ध हरेल. पण त्यांनी केलेलं भाकीत चुकीचं ठरलं. दुबईत झालेल्या सामन्यात टीम इंडियानं पाकिस्तानवर ६ विकेट्सने दणदणीत विजय मिळवला.

तोंडघशी पडल्यानंतर आयआयटी बाबा अर्थात अभय सिंगचा नेटकऱ्यांनी चांगलाच समाचार घेतला. सोशल मीडियावर मीम्सचा पाऊस पडला आहे.

सोशल मीडियावर आयआयटी बाबा ट्रोल

भारताचा दणदणीत विजय

टीम इंडियाने चॅम्पियन्स ट्रॉफीमध्ये आपला दुसरा विजय मिळवला आहे. दुबईतील आंतरराष्ट्रीय स्टेडियमवर भारत आणि पाकिस्तान यांच्यात ५वा सामना खेळवण्यात आला. प्रथम फलंदाजी करताना पाकिस्तानने २४१ धावा केल्या. नंतर भारताने ६ विकेट्सने सामना जिंकला.

भारतीय संघाकडून विराट कोहलीने शतक झळकावले. १०० धावा काढल्यानंतर तो नाबाद राहिला. पहिल्या सामन्यात भारताने बांगलादेशला हरवले. आता संघ २ मार्च रोजी न्यूझीलंडशी सामना करण्यास तयार आहेत.