Rahul Gandhi MSP Promise:

आज उत्तर प्रदेश आज भारत जोडो न्याय यात्रेत राहुल गांधी आणि समाजवादी पक्षाचे अध्यक्ष अखिलेश यादव हे एकाच मंचावर दिसले. या दोघांनीही 'भाजपा हटाओ-देश बचाओ, यूपी में 80 हराओ और संविधान बचाओ', अशा घोषणा दिल्या आहेत.

यावेळी राहुल गांधी म्हणाले की, द्वेषाविरुद्धची लढाई प्रेमानेच जिंकता येते. आमचे सरकार आल्यास आम्ही एका मिनिटात एमएसपी लागू करू, अशी घोषणा त्यांनी केली. तर अखिलेश यादव म्हणाले, हे प्रेमाचे शहर आहे. इथून हवं तितकं प्रेम घ्या आणि पुढच्या प्रवासात हे प्रेम वाटत जा.  ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

काँग्रेस खासदार राहुल गांधी आणि राष्ट्रीय सरचिटणीस प्रियंका गांधी भारत जोडो न्याय यात्रेसह अलिगढ-हाथरस मार्गे आग्रा येथील तेडी बगिया येथे पोहोचले. येथे त्यांना अखिलेश यादव यांचा पाठिंबा मिळाला. तिन्ही नेत्यांनी डॉ.भीमराव आंबेडकर यांच्या प्रतिमेला पुष्पहार अर्पण केला.  (Latest Marathi News)

देशात पसरलेल्या द्वेषाच्या विरोधात उभे राहणे हे आघाडीचे पहिले काम असल्याचे राहुल गांधी म्हणाले. आज गरीब, शेतकरी, महिलांवर अन्याय होत आहे. त्यामुळे यात्रेत न्याय हा शब्द जोडला गेला आहे. ते म्हणाले की, भारताचा अर्थसंकल्प बनवणाऱ्या लोकांमध्ये गरीब, दलित आणि मागासवर्गीय लोकांचा सहभाग नाही.

अखिलेश यादव म्हणाले की, गरीब आणि शेतकऱ्यांचा सन्मान केला पाहिजे. हे आज घडत नाही. शेतकरी आणि गरिबांवर अन्याय होत आहे. देशातील शेतकरी दु:खी आहे. त्यांची एमएसपीची मागणी पूर्ण झाली पाहिजे. तरुणांच्या स्वप्नांचा चुराडा होत असल्याचे ते म्हणाले. नोकऱ्या आणि रोजगार नाहीत. तरूण पदवीला जाळून आत्महत्या करत असल्याचंही ते म्हणाले.