शिवाजी काळे -

वाराणसी: ज्ञानवापी (Gyanvapi) प्रांगणात असलेल्या देवी शृंगार गौरीच्या नियमित दर्शन तसेच पूजेबाबत वाराणसी जिल्हा न्यायालय (Varanasi District Court) आज महत्वपुर्ण सुनावणी झाली. या सुनावणी वेळी कोर्टाने आज मुस्लीम पक्षाची मागणी फेटाळत हिंदू पक्षाची याचिका स्वीकारली आहे.

आजची घडामोड ही ज्ञानवापीच्या इतिहासामधील मोठी घडामोड असल्याचं बोललं जात आहे. शिवाय या प्रकरणाची पुढील सुनावणी २२ सप्टेंबरला होणार असल्याचंही सांगण्यात आलं आहे.

पाहा व्हिडीओ -

काय आहे प्रकरण -
ज्ञानवापी मशिदीच्या बाहेरील भिंतीवर असणाऱ्या हिंदू देवतांच्या मूर्तींच्या दैनंदिन पूजेसाठी परवानगी मागणारी याचिका पाच महिलांनी दाखल केली होती. अंजुमन इंतेजामिया मस्जिद समितीने ज्ञानवापी मशीद ही वक्फ मालमत्ता असल्याचे म्हटलं आहे.

त्यामुळे याचिकेच्या सुनावणीवर प्रश्नचिन्ह उपस्थित केले होते. तर मंदिर पाडून ही मशीद बांधण्यात आली असल्याचं मुद्दा हिंदू पक्षाचे वकीलांनी उपस्थित केला होता. या प्रकरणी दोन्ही पक्षांकडून एकमेकांविरोधात याचिका दाखल करण्यात आल्या होत्या.

दरम्यान, सर्वोच्च न्यायालयाच्या आदेशानंतर जिल्हा न्यायालयात या प्रकरणाची सुनावणी सुरू होती. आजच्या सुनावणीमध्ये जिल्हा न्यालयाने मुस्लीम पक्षाची मागणी फेटाळत हिंदु पक्षाची याचिका स्वीकारली आहे. त्यामुळे आजचा हा निर्णय मोठा असल्याचं बोललं जात आहे. तर या संदर्भातील पुढील सुनावणी २२ सप्टेंबरला होणार आहे.