Gyanvapi Case Update:

ज्ञानवापी प्रकरणात मोठी अपडेट हाती आली आहे. ज्ञानवापी प्रकरणात हिंदू पक्षाच्या बाजूने निकाल लागला आहे. या प्रकरणात आता ज्ञानवापी तहखान्यात हिंदू पक्षाला पूजा करण्याचा अधिकार मिळाला आहे. (Latest Marathi News)

वारणसीच्या ज्ञानवापीत व्यासजीच्या तहखान्यात पूजा करण्याचा अधिकार मिळाला आहे. या प्रकरणात जिल्हा न्यायाधीश डॉ. अजय कृष्ण विश्वेश यांच्या कोर्टात दोन्ही पक्षांच्या वकिलांनी युक्तिवाद केला. त्यानंतर कोर्टाने या प्रकरणात बुधवारी त्यांचा निर्णय दिला. या प्रकरणात हिंदू पक्षाला तहखान्यात पूजा करण्याचा अधिकार मिळाला आहे. ('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

हिंदू पक्षाचे वकील सुभाष नंदन चतुर्वेदी यांनी म्हटलं की, आज व्यासजीच्या तहखान्यात पूजा करण्यचा अधिकार देण्यात आला आहे. कोर्टाने एका आठवड्याच्या आत जिल्हा अधिकाऱ्यांना आदेशाचं पालन करण्यास सांगितलं आहे'.

दरम्यान, व्यासजीच्या तहखान्याचा ताबा जिल्हा दंडाधिकाऱ्यांकडे सोपवण्यात आला आहे. मंगळवारी कोर्टात अंजुमन इंतेजामिया मस्जिदच्या तर्फे अधिवक्ता मुमताज अहमद आणि एखलाक अहमद यांनी म्हटलं की, व्यासजीचा तहखाना मशिदीचा हिस्सा आहे. त्यामुळे त्यात पूजा करण्याचा अधिकार देता येणार नाही. तहखाना हा वक्फ बोर्डाची मालमत्ता आहे. त्यामुळे पूजा करण्याची परवानगी देऊ नये'.