गुरुग्राममधील एका प्रसिद्ध खाजगी शाळेतील परदेशी भाषेच्या महिला शिक्षिकेवर चार मित्रांनी सामूहिक बलात्कार केल्याची धक्कादायक घटना उघडकीस आली आहे. पीडित महिला कशीतरी स्वतःला सावरत घरी पोहोचली. गुरुवारी महिला ठाणे पूर्व येथे चारही आरोपींविरुद्ध तक्रार दाखल केली. तक्रार नोंदवल्यानंतर पोलिसांनी तत्काळ कारवाई करत शुक्रवारी सर्व आरोपींना अटक केली. शनिवारी त्यांना न्यायालयात हजर केले जाणार आहे. पोलिसांनी सांगितले की आरोपी जिममध्ये प्रशिक्षक म्हणून काम करत होते आणि झुम्बा नृत्य शिकवत होते.

पोलिस तपासानुसार, पीडित महिला आपल्या कुटुंबासोबत गुरुग्राममध्ये राहते. एका नामांकित खाजगी शाळेत परदेशी भाषा शिकवते. सप्टेंबर महिन्यात ती एका पार्टीत गौरव नावाच्या तरुणाशी ओळख झाल्यानंतर संपर्कात राहू लागली. १ ऑक्टोबरच्या पहाटे गौरवने तिला फोन करून भेटण्याचे सांगितले. गुरुग्रामच्या महिला ठाणे पूर्व परिसरात भेटल्यानंतर आपल्या मित्र नीरजच्या खोलीत नेले. तेथे पहाटे दोनच्या सुमारास गौरवने तिच्यावर बलात्कार केला आणि त्यानंतर नीरजलाही बोलावून त्यानेही अत्याचार केला.

या दोघांनंतर त्यांनी त्यांच्या इतर दोन मित्रांना, अभिषेक आणि योगेशला, फोन करून बोलावले आणि त्यांनीही त्या शिक्षिकेवर बलात्कार केला. पीडितेने वारंवार सोडून देण्याची विनंती केली. परंतु कोणताही आरोपी थांबला नाही. महिला दुसऱ्या दिवशी म्हणजे २ ऑक्टोबर रोजी सकाळी घरी पोहोचली आणि त्याच दिवशी पोलिस ठाण्यात तक्रार दाखल केली.

पोलिस प्रवक्ते संदीप कुमार यांनी सांगितले की, चारही आरोपींवर भारतीय दंड संहितेच्या विविध कलमांखाली आणि महिलांवरील लैंगिक अत्याचार प्रतिबंधक कायद्यांखाली गुन्हा दाखल केला. त्यांची ओळख पटली आहे. गौरव हा हिमाचल प्रदेशचा रहिवासी आहे. योगेश आणि अभिषेक हे नारनौलचे असून नीरज हा प्रयागराज, उत्तर प्रदेशचा आहे. पोलिसांनी सर्व आरोपींना अटक केली असून त्यांना शनिवारी न्यायालयात हजर करण्यात येणार आहे.