Viral Video: लग्न म्हटलं की गडबड गोंधळ आलाच. भारतात लगीनसराईचा (Marriage) हंगाम सुरू होताच, अनेक व्हिडीओ व्हायरल होतात. डीजेच्या तालावर थिरकणाऱ्या नवरदेवाचा व्हिडीओ व्हायरल (Funny Video) होतो. तर कधी नवरीने भरमंडपात केलेल्या डान्सचा. लग्नात कधी काय होईल याचा अंदाज लावणं जरा कठीणच असतं. असाच काहीसा एक व्हिडीओ सध्या सोशल मीडियावर व्हायरल होतोय. (Funny Viral Video)

व्हायरल झालेला (Viral Video) व्हिडीओ एका लग्नातील आहे. लग्नमंडपात नवरदेव नवरी उभे असून त्यांच्या हातात वरमाला दिसत आहे. नवरीसोबत तिच्या करवली आणि इतर मंडळीदेखील स्टेजवर उपस्थित आहेत. लग्न लागल्यानंतर नवरीबाई नवरदेवाच्या गळ्यात वरमाला टाकते.

दुसरीकडे नवरदेव नवरीच्या गळ्यात वरमाला टाकण्याऐवजी तिच्यासोबत उभ्या असलेल्या करवलीच्या गळ्यात वरमाला टाकतो. नवरदेवाने करवलीच्या गळ्यात वरमाला टाकताच, नवरीसह स्टेजवर उपस्थित असलेल्या इतर वऱ्हाडीमंडळीचा जबर धक्का बसल्याचं दिसत आहे. (Husband Wife Viral Video)

करवलीच्या गळ्यात वरमाला टाकल्यानंतर हा पठ्ठ्या इथंच थांबत नाही. तर उलट नाचून नवरीला चिडवायला लागतो. ही धम्माल बघून नवरी, तिची करवली व तिच्या कुटुंबाचे हावभाव बघण्यासारखे आहेत. तुम्हाला अंदाज आलाच असेल की हा व्हिडीओ ठरवून केलेला प्रॅन्क आहे.

व्हायरल झालेला हा मजेशीर व्हिडीओ its.chiku_या इंस्टाग्राम अकाउंटवरून अपलोड करण्यात आला आहे. आतापर्यंत या व्हिडीओला लाखो व्ह्यूज मिळाले असून नेटकरी यावर विविध प्रतिक्रिया देत आहेत. 'नवरीपेक्षा करवलीच भारी' अशी प्रतिक्रिया काही नेटकऱ्यांनी दिली आहेत.