नवी दिल्ली: सर्वसाधारण अर्थसंकल्पापूर्वी देशाला नवे मुख्य आर्थिक सल्लागार मिळाले आहेत. सरकारने डॉ. व्ही. अनंत नागेश्वरन यांची मुख्य आर्थिक सल्लागार म्हणून नियुक्ती केली आहे. आज (22 जानेवारी 2022) त्यांनी पदभार स्वीकारला. या नियुक्तीपूर्वी डॉ. नागेश्वरन यांनी लेखक, शिक्षक आणि सल्लागार म्हणून काम केले आहे (Government appoints Dr V. Anantha Nageswaran as the Chief Economic Advisor For Union Finance Ministry).

डॉ. व्ही. अनंत नागेश्वरन (Dr V. Anantha Nageswaran) यांनी भारत (India) आणि सिंगापूरमधील अनेक बिझनेस स्कूल आणि व्यवस्थापन संस्थांमध्ये शिकवले आहे. त्याचबरोबर त्यांची पुस्तकेही विपुल प्रमाणात प्रकाशित झाली आहेत.

डॉ. व्ही. अनंत नागेश्वरन हे IFMR ग्रॅज्युएट स्कूल ऑफ बिझनेसचे डीन आहेत. ते क्रे युनिव्हर्सिटीमध्ये अर्थशास्त्राचे प्रतिष्ठित व्हिजिटिंग प्रोफेसर देखील होते. त्यांनी 2019 ते 2021 पर्यंत पंतप्रधान नरेंद्र मोदी (PM Narendra Modi) यांच्या आर्थिक सल्लागार समितीचे पार्ट टाईम सदस्य म्हणून देखील काम पाहिलंय. त्यांनी इंडियन इन्स्टिट्यूट ऑफ मॅनेजमेंट, अहमदाबाद येथून पीजी डिप्लोमा इन मॅनेजमेंट केले आहे. त्याचवेळी, त्यांनी एमहर्स्टमधील मॅसॅच्युसेट्स विद्यापीठातून डॉक्टरेट पदवी देखील घेतली आहे.

Edited By - Nupur Uppal