जर्मनीच्या उत्तरेकडील स्टेड शहरात बेछूट गोळीबारात पाच जणांचा मृत्यू झाला. पोलिसांच्या माहितीनुसार, सोमवारी ही घटना घडली. हल्लेखोरांनी तरुणांच्या एका समूहावर अंदाधुंद गोळीबार केला. त्यात पाच जण ठार झाले. या प्रकरणी दोन संशयित हल्लेखोरांना ताब्यात घेण्यात आले आहे.

पोलिसांच्या माहितीनुसार, जर्मनीच्या उत्तरेकडील स्टेड शहरात गोळीबार झाला. पाच जण ठार झाले आहेत. जर्मनीतील वृत्तसंस्था डीपीएने पोलिसांच्या हवाल्याने दिलेल्या माहितीनुसार, दोघा संशयितांना ताब्यात घेण्यात आले आहे. तरुणांसाठी तयार करण्यात आलेल्या एका केंद्राजवळ हा गोळीबार करण्यात आला. शहराच्या मध्यवर्ती भागात एक मोहीम राबवण्यात येत होती. त्या ठिकाणाला हल्लेखोरांनी लक्ष्य केल्याची माहिती समोर आली आहे.

या घटनेनंतर स्थानिक पोलिसांनी सोशल मीडियावर पोस्टद्वारे तरुणांना आवाहन केले आहे. तुमची सुरक्षितता महत्वाची असून, तात्काळ हा परिसर सोडून इतरत्र सुरक्षित ठिकाणी जावे, असे आवाहन पोलिसांनी केले. स्टेड शहरात ही घटना घडली असून, या शहराची लोकसंख्या ५० हजारांच्या आसपास आहे. हॅम्बर्गपासून ते जवळपास ४० किलोमीटरवर आहे.