बिहार : देशात मोठ्या प्रमाणात कोरोना Corona लसीकरण सुरू आहे. अनेक ठिकाणी लसींचा तुटवडा जाणवत आहे. तरी शांततेत लसीकरण करणे सुरू आहे. गर्दी, झुंबड न करता लसीकरण करण्याचे आदेश देण्यात येतात. परंतु बिहारमध्ये Bihar मात्र भलतंच काही घडलं आहे. बिहारमध्ये लसींसाठी दोन गटांमध्ये चांगलीच हाणामारी झाली आहे. या हाणामारीत अनेक लोक जखमी झाले आहेत. लोकांनी एकमेकांना चक्क दगड मारण्यास सुरू केल. मात्र या सर्व गोंधळात आरोग्य कर्मचारी स्वतःचा जीव वाचवून पळून गेले.

हे देखील पहा-

बिहार राज्यात सीतामढी जिल्ह्यातील भटोलिया या गावात एका शाळेत कोरोना लस देणे सुरु होते. तेव्हा आधी लस कोण घेणार यावरून दोन गटांमध्ये बाचाबाची झाली. बाचाबाचीचे रुपांतरण भयंकर हाणामारीत झाले. या हाणामारीच्या वेळेस लोकांनी एकमेकांना दगड फेकून मारले. लसीकरण केंद्रातील आरोग्य कर्मचारी कसाबसा आपला जीव वाचवून पळून गेले.

घटनास्थळी स्थानिक पोलिसांना याबाबत माहिती मिळताच त्यांनी धाव घेतली. संपूर्ण परिस्थिती नियंत्रणात आणली. पुन्हा लसीकरण सुरू झाले. सध्या या लसीकरण केंद्रावर पुन्हा काही घडू नये यासाठी मोठ्या प्रमाणात पोलीस तैनात आहेत.

Edited By-Sanika Gade