नवी दिल्ली: केंद्रीय अर्थमंत्री निर्मला सीतारमन या संसदेत वार्षिक अर्थसंकल्प २०२२-२३ (Union Budget 2022) मांडत आहेत. यावेळी त्यांनी भारतात डिजिटल करन्सीसंदर्भात (Digital Currency) मोठी घोषणा केली आहे. यंदाच्या आर्थिक वर्षापासून केंद्रीय बँकेच्या माध्यमातून भारत स्वत:ची डिजिटल करन्सी जारी करणार आहे. डिजिटल करन्सी तयार करण्याची जबाबदारी रिजर्व बॅंकेकडे (RBI) देण्यात आली असून या घोषणेनंतर शेअर बाजारात (Share Market) उत्साहाचं वातावरण पहायला मिळालं. या घोषणेनंतर शेअर बाजाराने मोठी असळी घेत सेंसेक्स (Sensex) तब्बल ९०० अंकांनी वाढला आहे. (Enthusiasm in the stock market after the announcement of digital currency; Sensex jumps 900 points)

हे देखील पहा -

केंद्रीय अर्थमंत्री निर्मला सीतारामन (Nirmala Sitharaman) यांनी अर्थसंकल्प सादर करताना आज डिजिटल रुपीची (Rupee) घोषणा केली. हे चलन रिझर्व्ह बँक ऑफ इंडियाच्या माध्यमातून जारी केलं जाणार आहे. डिजीटल रुपीच्या माध्यमातून कमी खर्चामध्ये आणि अधिक सक्षमपणे चलन नियंत्रण करता येईल असा विश्वास अर्थमंत्र्यांनी व्यक्त केला आहे. त्यामुळे येत्या काळात आरबीआय लवकरच रुपी नावाचं चलन घोषीत करु शकते. यामुळे भारतात डिजिटल करन्सीला सुगीचे दिवस येणार आहे.

Edited By - Akshay Baisane