नवी दिल्ली : मनी डॉड्रिंग प्रकरणात ईडीने काँग्रेस (Congres) राहुल गांधी यांची आज सलग दुसऱ्या दिवशी चौकशी केली. आज सलग १० तास राहुल गांधी यांची चौकशी केली. उद्याही गांधी यांना चौकशीसाठी उपस्थित राहण्यास सांगण्यात आले आहे. कालही राहुल गांधी (Rahul Gandhi) यांची चौकशी करण्यात आली होती. या चौकशी विरोधात काँग्रेसने काल आंदोलन केले.

ईडीच्या समन्सला विरोध करणाऱ्या काँग्रेसचे (Congres) प्रवक्ते रणदीप सिंग सुरजेवाला, उत्तराखंडचे माजी मुख्यमंत्री हरीश रावत यांच्यासह १०० हून अधिक नेत्यांना पोलिसांनी काँग्रेस कार्यालयाबाहेर ताब्यात घेतले आहे. पोलिसांनी काँग्रेस कार्यालय आणि ईडी मुख्यालयाभोवती कलम १४४ लागू केले आहे. सुरक्षेत वाढ करण्यात आली आहे. काँग्रेसचे प्रवक्ते रणदीप सिंह सुरजेवाला यांनी भाजप सरकारवर टीका केली आहे.

राहुल गांधींच्या (Rahul Gandhi) विरोधात ईडीची चौकशी हा त्यांचा आवाज दाबण्याचा प्रयत्न आहे, कारण राहुल गांधी यांनी महागाई, इंधनाच्या किमती, बेरोजगारी, धार्मिक सूड यासारख्या मुद्द्यांवर मोदी सरकारला नेहमी प्रश्नचिन्ह उपस्थित केले आहे. त्यामुळे त्यांची ईडी चौकशी करत आहेत, असा आरोपही रणदीप सिंह सुरजेवाला यांनी केला.

भाजप (BJP) मीडिया आणि व्हॉट्सअॅप युनिव्हर्सिटीचा वापर करत आहे. पंतप्रधान मोदी हे उद्योगपतींचे एजंट बनून त्यांना परदेशात कंत्राट मिळवून देत असल्याचा आरोपही सुरजेवाल यांनी केला. राहुल गांधी बघून सरकारला सवाल करतात, असंही सुरजेवाल म्हणाले.