Chhattisgarh Encounter Between Security Forces And Naxalites:

छत्तीसगडच्या कांकेर जिल्ह्यात सुरक्षा दल आणि नक्षलवाद्यांमध्ये चकमक झाली. मिळालेल्या माहितीनुसार या चकमकीत २९ नक्षलवाद्यांचा खात्मा झाल्याची माहिती समोर आलीय. दरम्यान याबाबत कोणतीच अधिकृत माहिती मिळालेली नाहीये. पोलिसांकडून दिलेल्या माहितीनुसार खात्मा झालेल्या नक्षलवाद्यांची संख्या दोन अंकी असू शकते.

आतापर्यंत मिळालेल्या माहितीनुसार, कांकेर येथील छोटेबैठिया पोलीस ठाण्याच्या हद्दीतील कालपर जंगलात बीएसएफ आणि डीआरजी (जिल्हा राखीव जवान) शोधमोहिमेवर निघाले होते. त्यावेळी नक्षलवादी आणि सुरक्षा दलामध्ये चकमक झाली. यात कांकेरचे एसपी इंद्रा कल्याण आयलेसेला यांनी चकमकीच्या वृत्ताला दुजोरा दिलाय. या चकमकीत बीएसएफचा एक निरीक्षक आणि एक डीआरजी जवान जखमी झाल्याचे वृत्त आहे.