Tiger Vs Elephant Viral Video: सिंह, चित्ता आणि वाघ हे जंगलातले खतरनाक प्राणी. डोळ्यांची पापणी लवते न लवते तोच ते शिकार करतात. पण हे प्राणी जरी 'जंगल के शेर' असले तरी, असे काही प्राणी आहेत, की त्यांच्या वाट्याला जाणं हिंस्र प्राण्यांना महागात पडतं. असाच एक व्हिडिओ सोशल मीडियावर व्हायरल होत आहे.

व्हिडिओनुसार, एक हत्ती अगदी शांत उभा आहे. त्याची शिकार करण्याच्या इराद्यानं वाघ त्याच्याकडे धावतो. पण अचानक बाजी उलटली. गजराजने पुढच्या काही क्षणांत या वाघाला धडा शिकवला. (Viral Video)

जंगलात (Forest) शांतपणे उभ्या असलेल्या हत्तीच्या शिकारीसाठी वाघ चाल करून येतो, असे या व्हिडिओमध्ये बघायला मिळतं. हा वाघ हत्तीच्या जवळ आला. आपलं सावज टप्प्यात आलंय असं वाघाला वाटू लागतं. हत्तीवर हल्ला करण्याचाच विचार जणू तो करतोय असं वाटतंय. पण याची चाहूल हत्तीला लागली अन् वाघ हल्ला करणार तोच काही क्षणांत हत्तीनं त्याच्यावर पलटवार केला.

हत्तीचं रौद्ररूप बघून वाघानं धूम ठोकली. आता बाजी पूर्णपणे उलटली होती. हत्तीच वाघाचा पाठलाग करू लागला होता.

हत्ती आणि वाघाच्या लढाईचा थरार बघा या व्हिडिओतून..

जंगलाचा राजा असलेल्या वाघाला हत्तीसारख्या प्राण्यांशी पंगा घेणं महागात पडतं, असं या व्हिडिओतून बघायला मिळतं. जर वाघ हत्तीच्या तावडीत सापडला असता तर, काय घडलं असतं, याची कल्पनाच न केलेली बरी. हा व्हिडिओ एका पर्सनल ट्विटर हँडलवरून शेअर केला आहे. ४७ सेकंदाचा हा कमाल-धमाल आणि तितकाच थरारक व्हिडिओ सोशल मीडियावर प्रचंड व्हायरल होत आहे.