गाेवा : भाजप नेते देवेंद्र फडणवीस यांनी आज (गुरुवार) मुंबईत आयाेजिलेल्या पत्रकार परिषदेत महाराष्ट्राचे (maharashtra) मुख्यमंत्री (chief minister) हे एकनाथ शिंदे (eknath shinde) असतील अशी घोषणा करताच शिंदे गटाच्या आमदारांनी गोव्यातील (Goa) हॉटेलमध्ये एकच जल्लोष करीत नृत्य केले. (eknath shinde latest marathi news)

शिंदे गटाच्या आमदारांचा नृत्य करताना व्हिडिओ देखील माध्यमांपर्यंत पाेहचला. बुधवारी मुख्यमंत्री उद्धव ठाकरे (Uddhav Thackeray) यांनी मुख्यमंत्री पदाचा राजीनामा दिल्यानंतर आज महाराष्ट्रातील राजकीय घडामाेडींचा वेग आणखी वाढला. एकनाथ शिंदे हे गाेव्यातून मुंबईत थेट देवेंद्र फडणवीस यांच्या सागर बंगला येथे पाेहचले.

त्यानंतर नेत्यांनी राज्यपालांची भेट घेतली. या भेटीनंतर शिंदे आणि फडणवीस यांची संयुक्त पत्रकार परिषद झाली. या परिषदेत फडणवीसांनी एकनाथ शिंदे हे राज्याचे मुख्यमंत्री असतील. ते एकटेच शपथ घेतील अशी घाेषणा केली. ही घाेषणा हाेताच गाेव्यात वास्तव्यास असलेला एकनाथ शिंदेच्या गटातील आमदारांनी हाॅटेलातच नृत्य करु आनंदाेत्सव साजरा केला.

Edited By : Siddharth Latkar