J&K Earthquike News : जम्मू-काश्मीर आणि लडाखमध्ये गेल्या २४ तासांत सुमारे सहा वेळा भूकंपाचे धक्के जाणवले. तर जम्मू-काश्मीरमध्ये अवघ्या 11 मिनिटांच्या अंतराने दोनदा भूकंपाचे धक्के जाणवले. त्यामुळे लोकांमध्ये भीतीचे वातावरण आहे. सुदैवाने भूकंपात कोणतीही जीवित किंवा वित्तहानी झालेली नाही. (National News)

जम्मू-काश्मीरमध्ये शनिवारी दुपारी 2.30 वाजता पहिला भूकंप झाला, ज्याची तीव्रता 3 रिश्टर स्केल होती. लेहमध्ये रात्री 9.44 च्या सुमारास भूकंपाचा दुसरा धक्का जाणवला. त्याची तीव्रता 4.5 रिश्टर स्केल होती. तिसरा हादरा जम्मू आणि काश्मीरमधील डोडा येथे भारत-चीन सीमेजवळ रात्री 9.55 वाजता बसला. त्याची तीव्रता 4.4 रिश्टर स्केल होती. (Latest Marathi News)

ईशान्येकडील लेहमध्ये भूकंपाचा चौथा धक्का जाणवला. त्याची तीव्रता 4.1 असल्याचे सांगण्यात आले. तर आज म्हणजे रविवारी पहाटे 3.50 वाजता जम्मू-काश्मीरमधील कटरा येथे पाचवा हादरा जाणवला, ज्याची तीव्रता पुन्हा 4.1 रिश्टर स्केल होती. रविवारी सकाळी 8.28 वाजता सहावा भूकंपाचा धक्का बसला. लेहच्या ईशान्येला 279 किमी अंतरावर भूकंपाचे धक्के जाणवले. त्याची तीव्रता 4.3 रिश्टर स्केल होती.

आजच्या भूकंपाचा केंद्रबिंदू जम्मू-श्रीनगर राष्ट्रीय महामार्गालगतच्या डोंगराळ रामबन जिल्ह्यात होता, असं हवामान विभागाने सांगितलं. भूकंपाची खोली पृथ्वीच्या पृष्ठभागापासून 5 किलोमीटर होती. यादरम्यान काही घरांना भेगा पडल्याचे दिसून आले आहे.