उत्तराखंड : पंतप्रधान नरेंद्र मोदी (PM Narendra Modi) यांनी आज उत्तराखंडमधील केदारनाथ मंदिरात पूजा केली. यावेळी त्यांनी रुद्राभिषेक करत भक्तीभावाने बाबा केदारनाथांची पुजा केली.

मोदी आज उत्तराखंडच्या (Uttarakhand) दौऱ्यावर असून ते आज उत्तराखंडमधील विकासकामांची पाहणी करण्यासोबतच काही नवीन प्रकल्पांचे भूमिपूजनही करणार आहेत. आजच्या दौऱ्याला सुरुवात करण्याआधी मोदींनी केदारनाथ मंदिरात जाऊन पूजा केली.

यावेळी पंतप्रधानांनी 'चोला डोरा' नावाचा पारंपारिक पहाडी पोशाख परिधान केला होता. हिमाचल प्रदेशातील चंबा येथील महिलांनी हा खास पोशाख पंतप्रधानांसाठी बनवला असून नुकत्याच झालेल्या राज्य दौऱ्यात त्यांना हा पोशाख त्यांना भेट देण्यात आला होता.

पाहा व्हिडीओ -

केदारनाथ मंदिरात पूजा केल्यानंतर पंतप्रधानांनी 9.7 किलोमीटरच्या गौरीकुंड-केदारनाथ रोपवे प्रकल्पाची पायाभरणी करणार आहेत. शिवाय केदारनाथ (Kedarnath) येथे त्यांच्या अडीच तासांच्या कार्यक्रमादरम्यान मोदी आदिगुरू शंकराचार्यांच्या समाधी स्थळालाही भेट देणार आहेत.

केदारनाथ येथील कार्यक्रमादरम्यान ते आदिगुरू शंकराचार्य (Adiguru Shankaracharya) यांच्या समाधी स्थळालाही भेट देणार आहेत. बद्रीनाथ धाम येथे ते नदीकिनारी असलेल्या विकास प्रकल्पांच्या प्रगतीचा आढावा घेणार असून दुपारी ते रोपवे प्रकल्पांची पायाभरणी करणार आहेत.

दरम्यान, पंतप्रधानांच्या आजच्या दौऱ्याच्या पार्श्वभूमीवर केदारनाथ-बद्रीनाथमध्ये सुरक्षा व्यवस्था कडक तैणात करण्यात आली आहे. पंतप्रधान मोदी हे आठ वर्षांत सहाव्यांदा केदारनाथला भेट देणार आहेत. उत्तराखंडमधील केदारनाथ आणि बद्रीनाथ धामला भेट दिल्यानंतर ते 23 ऑक्टोबरला अयोध्येलाही जाणार आहेत.