Dev Diwali pilgrims run over by Howrah Express in Mirzapur : २४ तासात देशात झालेल्या दोन वेगवेगळ्या रेल्वेच्या अपघातात तब्बल १९ जणांचा (train accident in India kills 19 people in 24 hours) मृत्यू झालाय. छत्तीसगडमध्ये ११ तर उत्तर प्रदेशमध्ये ८ जणांचा मृत्यू झालाय. मंगळवारी संध्याकाळी बिलासपूर स्टेशनजवळ दोन ट्रेनची जोरदार धडक झाली. त्यामध्ये ११ जणांचा मृत्यू झाला. ही दुर्घटना ताजी असतानाच उत्तर प्रदेशमधील मिर्झापूरजवळ (Mirzapur Train Accident News) रेल्वे दुर्घटनेची धक्कादायक घटना घडली.

हावडा एक्सप्रेसने अनेक भाविकांना उडवले, त्यामध्ये आतापर्यंत ८ जणांचा मृत्यू झालाय तर अनेकजण गंभीर जखमी आहेत. धक्कादायक म्हणजे, देव दिवाळी निमित्त गंगा नदीत स्नान करण्यासाठी जात असताना हावडा एक्सप्रेस काळ बनून आली. (Dev Diwali Tragedy: 8 Pilgrims Crushed by Howrah Express in Mirzapur, 19 Dead in 2 Train Accidents in 24 Hours)

देव दिवाळीनिमित्त वाराणसीला गंगा स्नान करण्यासाठी रेल्वे रूळ निघालेल्या भाविकांना हावडा एक्सप्रेसने चिरडले. मिर्झापूरजवळ चुनार रेल्वे स्टेशनवरील रेल्वे रूळ पार करताना वेगात आलेल्या हावडा एक्सप्रेसने चिंधड्या केल्या. यामध्ये आठ महिला भाविकांचा मृत्यू झाला आहे. तर अनेकजण गंभीर जखमी आहेत. मिळालेल्या माहितीनुसार, सर्वजण वाराणसीकडे गंगेत स्नान करण्यासाठी निघाले होते. सर्वजण पेसेंजर ट्रेनने चुनारमध्ये पोहचले होते. वाराणसीसाठी ते दुसरी ट्रेन पकडण्यासाठी रेल्वे रूळ पार करत होते. त्याचवेळी काळाने घाला घातला.

मृतदेहाच्या तुकडे तुकडे -

हावडा-कालका या एक्सप्रेस ट्रेनने चुनारमध्ये रेल्वे रूळ ओलांडणाऱ्या ८ महिला भाविकांना चिरडले. हावडा एक्सप्रेस अतिशय वेगात निघालेली होती, त्यामुळे ८ महिला दूर फेकल्या गेल्या. मृत देहाचे तुकडे तुकडे झाले. पटरीवर जिकडे तिकडे रक्ताचा सडा पडला होता. चुनार रेल्वे स्टेशनवर एकच गोंधळ उडाला अन् एकच पळापळ झाली होती. दुर्घटनेची माहिती मिळताच रेल्वे पोलीस अन् बचावपथके घटनास्थळावर दाखल झाली. दुखापतग्रस्तांना तात्काळ रूग्णालयात दाखल करण्यात आले. दरम्यान, मुख्यमंत्री योगी आदित्यनाथ यांनी या दुर्घटनेबाबत दु:ख व्यक्त केलेय. मृताच्या नातेवाईंका मदतीचे अश्वासन दिलेय.