भारतभरात लॉरेन्स बिश्नोई गँगविरोधात कारवाई केली जात आहे. या कारवाईत दिल्ली पोलिसांना मोठं यश मिळालंय.दिल्ली पोलिसांनी गँगस्टर लॉरेन्स बिश्नोई गँगच्या ७ शूटर्सला अटक केलीय. या सर्व शुटर्सच्या अटकेची कारवाई पंजाब आणि इतर राज्यात करण्यात आलीय. पोलिसांनी या आरोपींकडून अनेक हत्यारं जप्त केली आहेत.

याआधी लॉरेन्स बिश्नोई गँगविरोधात राष्ट्रीय तपास यंत्रणेने कारवाई करण्यास सुरुवात केलीय. एनआयएने लॉरेन्सचा भाऊ अनमोल बिश्नोईच्या डोक्यावर १० लाख रुपयांचे बक्षिष जाहीर केलंय. अनमोल बिश्नोई उर्फ भानु कुख्यात गँगस्टर लॉरेन्स बिश्नोईचा भाऊ आहे. तो गायक सिद्धू मुसेवालाच्या हत्येप्रकरणी तो आरोपी आहे.

अनमोल बिश्नोईविरोधात १८ पेक्षा जास्त गुन्ह्यांच्या नोंद

वर्ष २०२३ मध्ये तपास यंत्रणेने त्याच्याविरोधात चार्जशीट दाखल केली होती. वृत्तानुसार अनमोल बनवाट पासपोर्टद्वारे भारतातून पलायन केलं होतं. अनमोल बिश्नोई आपलं ठिकाण नेहमी बदलत असतो. मागील वर्षी त्याला केन्या आणि आता त्याला कॅनडामध्ये पाहण्यात आलं होतं. अनमोल बिश्नोईविरोधात १८ गुन्हे दाखल आहेत. तो जोधपूरमधील तुरुंगात शिक्षा भोगवलीय. अनमोलला ७ ऑक्टोबर २०२१ ला जामीनावर सोडण्यात आलं होतं.

बाबा सिद्धीकीच्या हत्याप्रकरणात नाव आलं समोर

बाबा सिद्धिकीच्या हत्या प्रकरणात अनमोल बिश्नोईचं नाव समोर आले आहे. या हत्या प्रकरणाचा तपास मुंबई गुन्हे शाखेकडून करण्यात येत आहे. बाबा सिद्धिकी प्रकरणात अनमोल बिश्नोईचा सहभाग असल्याचं समोर आलंय. बाबा सिद्धिकी हत्या प्रकरणात अटक करण्यात आलेल्या आरोपांनी हत्या करण्याआधी अनमोल बिश्नोईशी स्नॅपचॅटवरून चर्चा केली होती. अनमोल बिश्नोई हा बाबा सिद्धिकीच्या हत्या प्रकरणाचा कट रचणारा प्रवीण लोनकरच्या संपर्कात होता. अनमोल कॅनाडाआणि अमेरिकापासून आरोपींच्या संपर्कात होता.