Delhi : राजधानी दिल्ली येथून एक मोठी बातमी समोर आली आहे. ‘मोदी हटाओ देश बचाओ’ असं लिहिलेले पोस्टर शहरात सर्वत्र लावण्यात आले आहेत. हे पोस्टर आता सोशल मीडियावर देखील व्हायरल होत आहेत. त्यामुळे सर्वत्र याची चर्चा सुरू आहे. हे पोस्टर नेमके कोणी लावलेत याचा तपास पोलीस करत आहेत. (Political News)

दरम्यान, पोलिसांनी आतापर्यंत या प्रकरणी ६ जणांना ताब्यत घेतलं आहे. तसेच १०० हून अधिक एफआयआर नोंदवल्याची माहिती समोर आली आहे. दिल्लीत अनेक ठिकाणी हे पोस्टर दिसत आहेत. कोणतेही पोस्टर बनवल्यानंतर त्यावर तेथील छापखान्याचा क्रमांक देण्यात येतो. मात्र या बॅनरवर असा कोणताही नंबर दिलेला नाही.

घटनेमागे एका राजकीय पक्षाचा हात

दीनदयाल मार्गावर पंतप्रधान मोदींचे पोस्टर लावल्याची माहिती पोलिसांना काल रात्री मिळाली. त्यानंतर त्यांनी ६ जणांना अटक केली आहे. अटक केलेल्या काही व्यक्तींनी पोलिसांना सांगितले की, एका राजकीय पक्षाने आम्हाला असे करण्यास सांगितले, असं वृत्त समोर येताच राजकीय वातावरण तापलं आहे.