पणजी : गोव्यात (Goa Election) सर्वाधिक चर्चेत असणारी जागा म्हणजे माजी मुख्यमंत्री मनोहर पर्रीकर यांचे पुत्र उत्पल पर्रीकर यांची (Utpal Parrikar) कारण पर्रिकर यांना भाजपने पणजी मतदार संघामधून उमेदवारी नाकारली होती आणि भाजपने या मतदारसंघातून बाबूश मोन्सेरात (Babush Monserrat) यांना तिकीट दिले होते. त्यामुळे याच जागेवरुन भाजप आणि उत्पल पर्रिकर यांच्यामधील संघर्ष समोर आला होता.

नाराज उत्पल यांनी आपला अपक्ष लढण्याचा निर्णय घेतला होता. मात्र आज जाहीर झालेल्या निकालानुसार उत्पल पर्रीकर याचा ७१३ मतांनी पराभव झाला आहे. तर दुसरीकडे भाजपला सर्वाधिक जागांवर आघाडी मिळताना दिसत आहे. उत्पल यांनी भाजप उमेदवारावर अनेक आरोप केले होते तसंच या जागेवरती दिवंगत मनोहर पर्रीकर दीर्घकाळ आमदार होते त्यामुळे ती जागा मला मिळावी असा दावा केला होता.

दरम्यान 'मी लढतीवर समाधानी आहे, मात्र निकालामुळे थोडा निराश असल्याचं पर्रिकर म्हणाले आहेत.

Edited By - Jagdish Patil