अयोध्याच्या ग्रामीण भागात पूराकलंदारमध्ये सिलिंडर स्फोटानंतर घर कोसळून ५ जणांचा मृत्यू झाल्याची घटना घडली आहे. अयोध्येतील पगला भारी या गावात ही घटना घडली आहे. दुर्घटनेतील जखमींना तातडीने रुग्णालयात दाखल करण्यात आलं आहे.

घर कोसळल्यानंतर ढिगाऱ्याखाली दबल्याने नागरिकांचा मृत्यू झाल्याची माहिती मिळत आहे. घटनेची माहिती मिळताच बचाव पथकाने तातडीने घटनास्थळी धाव घेतली. या घटनेतील जखमींना तातडीने रुग्णालयात दाखल करण्यात आलं आहे. घरातील सिलिंडरचा स्फोट झाल्याने घर कोसळल्याची माहिती प्रशासकीय अधिकाऱ्यांनी दिली आहे. या घटनेत आतापर्यंत ५ जणांचा मृत्यू झाला आहे. या दुर्घटनेतील मृतांचा आकडा वाढण्याची शक्यता व्यक्त करण्यात येत आहे.

स्थानिक लोकांच्या माहितीनुसार, स्फोट इतका भीषण होता की, आजूबाजूच्या घर आणि दुकानांचही मोठं नुकसान झाली आहे. बचाव पथक ढिगाऱ्याखाली अडकलेल्या लोकांना काढण्याचं काम करत आहे. प्रशासनाच्या अधिकाऱ्यांनी या प्रकरणाचा तपास सुरु केला आहे. या घटनेने परिसरात खळबळ उडाली आहे. घराच्या ढिगाऱ्याखाली अडकलेल्या लोकांना सुरक्षितपणे काढण्याचं काम सुरु आहे.

पोलीस अधिकारी सुजीत पांडेय यांनी दिलेल्या माहितीनुसार, अयोध्या येथील घडलेली घटना प्राथमिक माहितीनुसार, फटाके किंवा स्फोटामुळे झाल्याची माहिती मिळत आहे. घरातील कुकर किंवा गॅस सिलिंडरचा स्फोट झाल्याने घटना घडली आहे. घटनास्थळी स्फोटाशी संबंधित कोणत्याही वस्तू आढळल्या नाहीत. आता घटनास्थळी बीडीएस आणि एफएसएलची पथक तपास करत आहे.