Crime News : काही दिवसांपूर्वीच सोशल मीडियावर पब्लिक प्लेसमध्ये अचानक आक्षेपार्ह व्हिडिओ सुरू झाल्याच्या घटना घडल्या आहेत. बिहारमध्ये रेल्वे स्थानकावर तसेच विधानसभेत अचानक अश्लील व्हिडिओ सुरू झाल्याच्या घटना ताज्या असतानाच आता एका मीटिंगमध्ये असाच एक प्रकार घडला आहे. यामध्ये मीटिंग सुरू असताना अचानक स्क्रीनवर अश्लील व्हिडिओ सुरू झाला. (Zoom Meeting)

मिळालेल्या माहितीनुसार अमेरिकेतील एका कंपनीमध्ये ही घटना घडली आहे. येथे सुरू असलेल्या मीटिंगवेळी अचानक अश्लील व्हिडिओ स्क्रीनवर दिसू लागला. व्हिडिओ सुरु होताच सर्वांना आपल्या माना खाली कराव्या लागल्या. स्क्रीनवर अचानक असे दृष्य दिसत असल्याने नेमके काय घडत आहे हे कुणालाच काहीच समजत नव्हते.

होस्टने हा व्हिडिओ लावला आहे का? व्हिडिओ का सुरू केलाय? कोणी हा व्हिडिओ बंद का करत नाही असे अनेक प्रश्न येथील व्यक्तींच्या मनात उपस्थित होते. मात्र होस्टने प्रयत्न करुनही तो व्हिडिओ बंद होत नव्हता. त्यामुळे त्यांनी शेवटी ही मीटिंग बंद केली. त्यानंतर दुसरी लिंक सर्वांना देण्यात आली. त्यावर पुन्हा मीटिंग घेण्यात आली.

मीटिंग झाली होती हॅक

दुसरी मीटिंग सुरू झाल्यानंतर होस्टने सदर घटनेचे स्पष्टीकरण दिले. यात त्यांनी म्हटलं की, आपली आधीच्या लींकवर सुरू असलेली मीटिंग हॅक झाली होती. त्यामुळे तिकडूनच थेट अशा प्रकारचा अश्लील व्हिडिओ समोर आला. मीटिंग हॅक झाल्याने मला काहीच करता येत नव्हते, असे होस्टने सांगितले. तसेच मीटिंगमधील सर्व व्यक्तींची माफी मागितली.