नवी दिल्ली : मस्कत आंतरराष्ट्रीय विमानतळावरून एक मोठी बातमी समोर आली आहे. आज बुधवारी मस्कतहून कोचीनला जाणाऱ्या एअर इंडियाच्या (Air India) विमानामधून अचानक धूर दिसू लागला. त्यामुळे मस्कत आंतरराष्ट्रीय विमानतळावर गोंधळाची परिस्थिती निर्माण झाली होती. प्रवाशांना सुखरूप बाहेर काढण्यात आले आहे. बुधवारी सकाळी विमान कोचीसाठी रवाना होणार होते, मात्र त्यापूर्वीच विमानातून धूर येऊ लागला.

मिळालेल्या माहितीनुसार, एअर इंडियाचे (Air India) विमान क्रमांक IX-442, VT-AXZ बुधवारी मस्कतहून कोचीसाठी रवाना होणार होते. यावेळी विमानातून अचानक धूर निघू लागला, त्यानंतर विमानतळावरील कर्मचाऱ्यांनी घाईघाईने विमानातील १४४ प्रवासी आणि ६ क्रू मेंबर्सना बाहेर काढण्यात आले. या घटनेत काही प्रवासी जखमी झाल्याची माहिती समोर आली आहे.

मिळालेल्या माहितीनुसार, विनानाच्या इंजिन ऑइलमुळे आग लागली असावी आणि त्यातून धूर निघत असावा. या प्रकरणाचा तपास सध्या सुरू आहे. एअर इंडियाचे विमान क्रमांक IX-442, VT-AXZ बुधवारी सकाळी 11:30 वाजता मस्कतहून कोचीला उड्डाण करणार होते, पण त्यापूर्वीच धूर दिसू लागल्यामुळे उड्डाण रद्द करण्यात आले.