आजपासून संसदेचं अर्थसंकल्पीय अधिवेशन सुरू झाले आहे. देशाच्या अर्थमंत्री निर्मला सीतारमण आज आगामी आर्थिक वर्षासाठीचा अर्थसंकल्प सादर करत आहेत. देशाची अर्थव्यवस्था हळूहळू सावरत आहे. GDP 9.2 टक्के राहण्याचा अंदाज अर्थमंत्री निर्मला सितारामन (Nirmala Sitharaman) यांनी व्यक्त केला आहे. लवकरच LIC चा IPO आणणार असल्याचं अर्थमंत्री म्हणाल्या. पुढच्या पाच वर्षात 60 लाख नवीन नोकऱ्या उपलब्ध होणार असल्याचा विश्वासही अर्थमंत्र्यांनी दिला आहे. तसंच एलआयसीचा आयपीओ लवकरच बाजारात आणणार असल्याचं त्यांनी म्हटल.

हे देखील पहा -

अर्थसंकल्पातून आपल्याला काय मिळेल याची उत्सुकता सर्वसामान्य जनता, शेतकरी ते उद्योग विश्वाला अनेक दिवसांपासून लागून आहे. काल भारताचे राष्ट्रपती रामनाथ कोविंद यांनी दोन्ही सभागृहातील सदस्यांना संबोधित केले होते. मोदी सरकारच्या दुसऱ्या कार्यकाळातील हा तिसरा अर्थसंकल्प असून केंद्रीय मंत्री निर्मला सितारामन यांचा अर्थमंत्री म्हणून चौथा अर्थसंकल्प आहे. कोरोनाचं (Corona) संकट दोन वर्षांपासून ओढावलं असून अशा परिस्थितीत देशासह जागतिक अर्थव्यवस्थेसमोर यातून सावरण्याचे आव्हान आहे. कोरोनाचा फटका बसलेल्या क्षेत्राला दिलासा देणं आणि रोजगार निर्मिती करण्याचं आव्हानं केंद्र सरकारपुढे असणार आहे.

Edited By - Shivani Tichkule