कर्नाटक (basavaraj bommai latest news) : कोरोनाच्या संसर्गामुळे देशभरातील शाळा आणि महाविद्यालये बंद ठेवण्यात आली होती. सध्या बहुतांश राज्यात शाळा आणि महाविद्यालये पुन्हा सुरु झाली आहेत. काेविडचा प्रादुर्भाव कमी झाल्याने विद्यार्थी शाळांत जाऊ लागले आहेत. दरम्यान कर्नाटक (karnataka) राज्यातील एका शाळेमधील शेकडो विद्यार्थ्यांना कोरोनाची (coronavirus) झाल्याचे निदान झाले आणि व्यवस्थापनासह प्रशासकीय अधिकाऱ्यांना धक्का बसला आहे. karnataka covid cases rises at residential school chikmagalur

कर्नाटकातील चिकमंगळूर (chikkamagalur) येथील जवाहर नवोदय विद्यालय या निवासी शाळेत कोरोनाचा प्रादुर्भाव वाढल्याचे चित्र नुकतेच स्पष्ट झाले. या विद्यालयातील एकूण १०१ विद्यार्थ्यांना कोरोनाची लागण झाली आहे. त्याबाबत येथील व्यवस्थापनाने दुजाराे दिला आहे. तसेच शाळा एक आठवडा बंद ठेवण्याचा निर्णय घेतल्याचे नमूद केले.

या शाळेतील ११ कर्मचा-यांना देखील काेराेनाची लागण झाली आहे. विद्यार्थी आणि कर्मचारी वर्गावर वैद्यकीय पथकाची करडी नजर आहे. दरम्यान काेविड बाधितांना ओमिक्रॉनचा (omicron) संसर्ग झाला आहे की नाही हे तपासण्यासाठी नुमने (genome sequencing) पाठविण्यात आले आहेत. संक्रमित विद्यार्थी आणि कर्मचाऱ्यांमध्ये कोणतीही लक्षणे दिसून आलेली नाहीत अशी माहिती चिकमंगळूरचे जिल्हा आराेग्य अधिका-यांनी दिली आहे.

दरम्यान रविवारी कर्नाटकातील शिवमोग्गा येथील एका खाजगी नर्सिंग स्कूलमध्ये २९ विद्यार्थ्यांना काेराेनाची लागण झाल्याचे आढळून आले हाेते. संक्रमणाचा प्रसार रोखण्यासाठी मुख्यमंत्री बसवराज बोम्मई (basavaraj bommai) यांनी तीन किंवा अधिक कोविड-१९ ची रुग्ण संख्या आल्यास संबंधित क्षेत्र क्लस्टर म्हणून वर्गीकृत केले जाईल असे स्पष्ट केले आहे.

edited by : siddharth latkar