नवी दिल्ली: काँग्रेसच्या हंगामी अध्यक्षा सोनिया गांधी (Sonia Gandhi) यांना कोरोनाची लागण झाली आहे. काँग्रेस नेते जयराम रमेश यांनी ट्विट करुन ही माहिती दिली आहे. 'काँग्रेस अध्यक्षा सोनिया गांधी यांचा कोविड-19 चाचणी अहवाल पॉझिटिव्ह आला आहे. सरकारने जारी केलेल्या प्रोटोकॉलनुसार त्या आयसोलेशनमध्ये राहणार आहेत, अशी माहिती त्यांनी दिली आहे.

सोनिया गांधी (Sonia Gandhi) यांना दोन महिन्यात दुसऱ्यांदा कोरोना पॉझिटीव्ह आले आहेत. गेल्या महिन्यात त्यांना कोविड नंतरच्या आरोग्याच्या गुंतागुंतीच्या समस्यामुळे त्यांना रुग्णालयात दाखल करण्यात आले होते.

कोरोना (Corona) अहवाल पॉझिटीव्ह येण्याअगोदर सोनिया गांधी यांनी बिहारचे उपमुख्यमंत्री तेजस्वी यादव यांची भेट घेतली होती. तसेच त्यांनी सीपीआय नेता सीतीराम येच्युरी यांची भेट घेतली होती. तीन दिवसापूर्वी प्रियांका गांधी कोरोना पॉझिटीव्ह आल्या होत्या. त्यांनी आपल्या ट्विटर हँडलवरुन याची माहिती दिली होती.

गेल्या महिन्यात त्यांना कोरोनाची लागण झाली होती तेव्हा त्यांना ईडीने समन्स पाठवले होते. पण त्यांना कोविडची लागण झाली होती त्यामुळे त्यांनी चौकशीची तारीख पुढ मागून घेतली होती. दरम्यान, रुग्णालयातून बाहेर आल्यानंतर त्यांची ईडीने चौकशी केली.