चंदीगड : पंजाबमध्ये काँग्रेसचा (Panjab Congress) दारुण पराभव झाला असून आम आदमी पक्षाला (आप) स्पष्ट बहुमत मिळाले आहे. आता हाती आलेल्या निकालांनुसार पंजाबमध्ये AAP ला दोन तृतीयांश मिळालं आहे. काँग्रेसच्या (Congress) या पराभवाला काँग्रेसमधील अंतर्गत गटबाजी असल्याचं वक्तव्य काँग्रेसच्या खासदारांनी केलं.

काँग्रेस खासदार जसबीर सिंग गिल यांनी प्रश्न उपस्थित केला आहे. सिंग गिल यांनी ट्विट करून काँग्रेसच्या पराभवावरती गंभीर प्रश्न उपस्थित केले आहेत. काँग्रेसमधील अंतर्गत कलह, वरिष्ठांचा दबाव नसणे, तसंच पैशांवरती दिलेली टिकीट कार्यकर्त्यांचा झालेल्या भ्रमनिरास आणि नेत्यांचा अहंकार यामुळे पंजाबमध्ये काँग्रेसचा पराभव झाला असल्याचं ट्विट त्यांनी केलं आहे.

दरम्यान, पंजाब काँग्रेसचे अध्यक्ष नवज्योत सिंग सिद्धू (Navjyot Singh Sidhu) यांनी ट्विट करून आपचे अभिनंदन केले आहे. जनतेचा आवाज हा देवाचा आवाज असल्याचे त्यांनी सांगितले. पंजाबच्या जनतेचा जनादेश नम्रपणे स्वीकारला असल्याचं ते म्हणाले आहेत.

Edited By - Jagdish Patil