छत्तीसगडच्या कोरबा जिल्ह्यात एका ११वीत शिकणाऱ्या मुलीनं बाळाला जन्म दिला आहे. तिनं शाळेतच नवजात मुलीला जन्म दिला असून, नंतर बाळाला तिनं शौचालयाच्या खिडकीतून खाली फेकून दिलं आहे. ही धक्कादायक बाब उघडकीस आल्यानंतर, अधिक्षकांना निलंबित करण्यात आलं आहे. या प्रकरणी आरोग्य महिला आणि बाल विभागाला चौकशीचे आदेश देण्यात आले असून, मुलीची प्रकृती गंभीर असल्याकारणाने तिच्यावर खासगी रूग्णालयात उपचार सुरू आहेत.

छत्तीसगडच्या पोडी गावातली शासकीय निवासी शाळेत एका ११ वीत शिकत असलेल्या विद्यार्थीनीने बाळाला जन्म दिला आहे. ही धक्कादायक बाब मंगळवारी उघडकीस आल्यानंतर परिसरात चिंतेचं वातावरण निर्माण झालंय. याप्रकरणाबाबत अधिकाऱ्यांनी सांगितले की, विद्यार्थीनीने सातव्या किंवा आठव्या महिन्यातच जन्म दिले आहे. ज्यामुळे मुलीची प्रकृती गंभीर असल्याची माहिती आहे'.

मंगळवारी पोडी गावातील एका शासकीय निवासी शाळेत वसतिगृह अधिक्षकांना १७ वर्षीय मुलगी आजारी असल्याची माहिती मिळाली होती. या शाळेत वसतिगृह देखील आहे. ही शाळा आदिवासी विकास विभागामार्फत चालवली जाते. अधिक्षकांनी दिलेल्या माहितीनुसार, विद्यार्थी रडत असल्यामुळे तिला रूग्णालयत नेण्यात आले. जिथे तिने कबूल केले की तिने एका मुलीला जन्म दिला होता. मुलीला जन्म दिल्यानंतर तिने मुलीला खिडकीतून बाहेर फेकून खाली दिलं.

याबाबत कोरबा जिल्ह्यातील दंडाधिकारी अजित वसंत सांगतात, 'विद्यार्थिनी गरोदर असल्याची माहिती नसल्यामुळे वसतिगृह अधिक्षकांना निष्काळजीपणाच्या आरोपाखाली निलंबित करण्यात आलं आहे. यासंदर्भात आरोग्या महिला आणि बाळ विभागाला चौकशीचे आदेश दिले आहे'. यासंदर्भात कोरबा मेडिकल कॉलेज व हॉस्पिटलचे बालरोगतज्ज्ञ सांगतात, 'मुलीला नवजात शिशु वार्डमध्ये दाखल करण्यात आलं आहे. तिच्या डाव्या फुफ्फुसावर जखमेच्या खुणा आहेत. मुलीची प्रकृती चिंताजनक आहे'.