लोकसभेत महिला आरक्षण विधेयकावरून (१३१ वी घटनादुरुस्ती) मोदी सरकारला मोठा धक्का बसला आहे. विधयेकावर सलग दोन दिवस सुरू होती. दुसऱ्या दिवशी महिला आरक्षण विधेयक हे २८ मतांनी पडलं. त्यानंतर सत्ताधारी खासदारांनी आक्रमक भूमिका घेतली. या खासदारांनी संसदेच्या पायऱ्यांवर विरोधकांच्या विरोधात घोषणाबाजी केली. सत्ताधारी खासदारांचा घोषणाबाजी करतानाचा व्हिडिओ समोर आला आहे. विधेयक पडल्यानंतर सत्ताधाऱ्यांनी तातडीने उद्या म्हणजे शनिवारी केंद्रीय मंत्रिमंडळाची बैठक बोलावली आहे.

महिला आरक्षण विधेयकाशी संबंधित १३१ वी घटनादुरुस्ती विधेयक, परिसीमन विधेयक, संघराज्य विधयेकावर चर्चा झाली. १३१ वी घटनादुरुस्तीवर चर्चा झाल्यानंतर मतदान पार पडलं. यावेळी विधेयकाच्या बाजूने २९८ मते पडली. तर विधेयकाच्या विरोधात २३० मते पडली. संविधानाच्या अनुच्छेद ३५८ अनुसार विधेयक मंजूर होण्यासाठी दोन तृतीयांश मते हवी होती. परंतु २८ मते कमी झाल्याने विधेयक पडले.

संसदीय राज्य मंत्री किरेन रिजिजू यांनी महिला आरक्षण विधेयक नामंजूर झाल्यानंतर दुसऱ्या दोन विधयेकावर चर्चा होणार नसल्याचे स्पष्ट केले. त्यांनी म्हटलं की, सरकार महिलांना अधिकार देईलच'. यानंतर लोकसभा अध्यक्ष ओम बिरला यांनी लोकसभेचं कामकाज शनिवारी सकाळी ११ वाजेपर्यंत स्थगित केलं.

महिला आरक्षण विधेयकांशी संबंधित १३१ वी घटनादुरुस्ती विधेयकाच्या बाजूने २९८ मते पडली. तर विरोधात २३० मते पडली. लोकसभेत एकूण ४९८ खासदारांनी मतदान केलं. या विधयेकाला दोन तृतियांश मतांची गरज होती. विधेयक पडल्यानंतर मोदी सरकारच्या केंद्रीय मंत्रिमंडळाची उद्या तातडीने बैठक बोलावली आहे. या बैठकीत कोणता निर्णय घेणार, याकडे साऱ्यांचं लक्ष लागलं आहे.