New Delhi News : सीबीआयने ( केंद्रीय अन्वेषण विभाग) कथित ४०९ कोटी रुपयांच्या बँक फसवणुकीप्रकरणी आमदार रत्नाकर गुट्टे आणि कुटुंबातील सदस्यांविरोधात एफआयर दाखल केला आहे. सीबीआयने रत्नाकर गुट्टे यांच्यासहित गंगाखेड शुगर अँड एनर्जी लिमिटेडच्या विरोधात एफआयर दाखल केला आहे. यामुळे परभणी जिल्ह्यातील गंगाखेड मतदारसंघातून निवडूण आलेले राष्ट्रीय समाज पक्षाचे आमदार गुट्टे अडचणीत येण्याची शक्यता आहे. (Latest Marathi News)

मिळालेल्या माहितीनुसार, परभणी जिल्ह्यातील गंगाखेड मतदारसंघातून निवडूण आलेले राष्ट्रीय समाज पक्षाचे आमदार रत्नाकर गुट्टे, त्यांच्या मुलगा आणि कुटुंबातील सदस्यांविरोधात सीबीआयने मोठी कारवाई केली आहे. गुट्टे हे गंगाखेड शुगर अँड एनर्जी लिमिटेड कंपनीच्या संचालकापैकी एक आहे.

रत्नाकर गुट्टे यांच्यावर आरोप करण्यात आला आहे की,  त्यांच्या कंपनीने युको बँकेच्या मुदत कर्ज आणि इतर पत सुविधांच्या रूपात ५७७.१६ कोटी रुपयांच्या विविध क्रेडिट सुविधा कर्जाच्या स्वरूपात घेतले.

दरम्यान, सीबीआयने ४०९ कोटी रुपयांच्या बँक (Bank) फसवणुकीप्रकरणी सीबीआयने महाराष्ट्राचे आमदार रत्नाकर गुट्टे आणि कुटुंबाविरुद्ध एफआयआर दाखल केला आहे. याप्रकरणी काल सीबीआयने (CBI) ५ ठिकाणी छापे टाकले होते. नागपुरातील २ ठिकाणी छापे टाकले होते. तर परभणीच्या तीन ठिकाणी छापे टाकले होते.

ईडीने गेल्या वर्षी डिसेंबरमध्ये रत्नाकर गुट्टे आणि गंगाखेड शुगर अँड एनर्जी लिमिटेड यांच्याविरुद्ध कथित मनी लाँड्रिंगप्रकरणी आरोपपत्र दाखल केले होते. गुट्टे् यांच्या कंपनीने कथित बँकाची कर्जे मंजूर उद्देशांव्यतिरिक्त इतर कारणांसाठी वापरली गेली असल्याचा आरोप आहे.