Uttarakhand passenger bus falls into gorge : उत्तराखंडमधील अल्मोडामध्ये झालेल्या भीषण अपघातात ७ जणांचा जागीच मृत्यू झालाय. प्रवाशांनी खचाखच भरलेली बस दरीत कोसळली अन् क्षणात होत्याचं नव्हते झाले. आज सकाळी भिकियासैन-विनायक रस्त्यावरून जाणाऱ्या प्रवासी बसवरील चालकाचे निंयत्रण सुटल्याने दुर्घटना घडली. या अपघातात आतापर्यंत ७ जणांचा मृत्यू झाल्याचे समोर आलेय. तर अनेकजण गंभीर जखमी झाले आहेत. या घटनेनंतर परिसरात भीतीचे वातावरण आहे पसरली. घटनास्थळावर बचाव कार्य वेगात सुरू करण्यात आलेय. मृतदेहाची ओळख पटवण्यात येत आहे, तर जखमींना जवळच्या रूग्णालयात दाखल करण्यात आलेय.

भिकियासैन-विनायक-जलाली रोडवर शिलापाणीजवळ आज सकाळी अपघात झाला. प्रवाशांनी भरलेली बस भिकियासैनहून रामनगरला जात होती. सकाळी ६ वाजताच्या सुमारास द्वारहाटहून निघाली. शिलापाणीजवळ आल्यावर चालकाचे बसवरील नियंत्रण सुटले आणि ती खोल दरीत कोसळली. या अपघातात सात जणांचा मृत्यू झाला आहे. अनेक जण गंभीर जखमी झाले आहे. जखमींना भिकियासैन येथील जवळच्या रुग्णालयात दाखल करण्यात आले आहे.

बस दरीत कोसळल्याची माहिती मिळताच पोलील, एसडीआरएफ आणि प्रशासकीय अधिकाऱ्यांनी घटनास्थळी धाव घेतली. घटानस्थळावर तात्काळ बचावकार्य करण्यात आले. बसमधून अनेकांना वाचवण्यात आले आहे. जखमींना तात्काळ प्राथमिक उपचार करून रूग्णालयात दाखल कऱण्यात आले आहे. काही जणांची प्रकृती गंभीर असल्याचे सांगण्यात येत आहे. आपत्ती अधिकारी विनीत पाल यांनी सांगितले की, मदत आणि बचाव कार्य जलदगतीने सुरू आहे आणि जखमींना त्वरित वैद्यकीय उपचार दिले जात आहेत.