Pakistan Bus Accident: पाकिस्तानात एक भीषण  बस अपघातात ३९ जणांचा मृत्यू झाला आहे, तर अनेक जण जखमी झाले आहेत. पाकिस्तानातील सुदूर बलूचिस्तान येथील लासबेला येथे ही दुर्घटना घडली आहे.

प्रवाशांनी भरलेली हायस्पीड बस खोल नाल्यात पडली. अपघात इतका भीषण होता की बस नाल्यात पडताच पेट घेतला. बस कराचीहून क्वेट्टाला जात होती.  (Latest News)

स्थानिक प्रशासनाने दिलेल्या माहितीनुसार, बसमध्ये 48 प्रवासी होते. अपघाताची माहिती मिळताच तातडीने बचावकार्य सुरू करण्यात आले. सर्व मृतदेह बाहेर काढण्यात आले आहेत. त्याचबरोबर जखमींना जवळच्या हॉस्पिटलमध्ये दाखल करण्यात आले आहे.

अधिकाऱ्यांच्या म्हणण्यानुसार, रविवारी रात्री उशिरा ही दुर्घटना घडल्याने बचाव कार्यात खूप अडचणी आल्या आणि अंधारामुळे पोलिसांची अडचण होत होती.