Bus Accident News :

गुजरातमधून मोठ्या बस अपघाताची घटना समोर आली आहे. राज्य राखीव दलाच्या जवानांना घेऊन जाणाऱ्या बसला हा अपघात झाला आहे. अपघातात बसमधील ३८ जवान जखमी झाल्याची प्राथमिक माहिती समोर आली आहे.

पोलिसांनी दिलेल्या माहितीनुसार, गुजरातच्या पंचमहल येथे ही अपघाताची घटना घडली आहे. सोमवारी संध्याकाळच्या सुमारास हा अपघात झाला. अपघातातील सर्व जखमी जवानांना उपचारासाठी रुग्णालयात दाखल करण्यात आलं आहे.

फायरिंग प्रॅक्टिसवर परतताना जवानांच्या बसला हा अपघात झाला. बसचा ब्रेक फेल झाल्याने बस चालकाचं नियंत्रण सुटल्याने हा अपघात झाल्याची माहिती समोर येत आहे. एका तीव्र वळणारवर हा अपघात झाला. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

पोलिसांनी दिलेल्या माहितीनुसार, उपचारासाठी दाखल झालेल्या ३८ जवानांपैकी २९ जवानांना डिस्चार्ज देण्यात आला आहे. तर ९ जवान गंभीर जखमी असल्याने त्यांच्यावर उपचार सुरु आहे. सर्वांवर वडोदरा येथील शासकीय रुग्णालयात उपचार सुरु आहेत.