नवी दिल्ली - नवरीच्या स्वागताची जय्यत तयारी सुरू असताना एक धक्कादायक घटना घडली आहे. क्षणात हसतं खेळतं घर उद्ध्वस्त झालं आहे कारण लग्न मंडपातच नवरदेवाचा मृत्यू झाला आहे. या मन हेलावून टाकणाऱ्या घटनेमुळे संपूर्ण कुटुंबीयांवर दुःखाचा डोंगर कोसळला आहे. लग्नाच्या दिवशी मंडपातच नवरदेवाचा मृत्यू झाल्याची धक्कादायक घटना घडली आहे. नवरदेवाचा हार्ट अटॅकने मृत्यू झाल्याची माहिती समोर आली आहे. प्रमोद असे या तरुणाचे नाव होते. हिमाचल प्रदेशच्या ऊना जिल्ह्यातील एका गावात ही घटना घडली असल्याची माहिती देण्यात आली आहे.

हे देखील पहा -

नवरदेवाचा अचानक मृत्यू झाल्यामुळे कुटुंबासह संपूर्ण गावावर शोककळा पसरली आहे.नवरदेवाच्या छातीत अचानक दुखू लागलं आणि काही क्षणांत त्याचा मृत्यू झाला आणि वरातीऐवजी अंत्ययात्रा काढायची वेळ कुटुंबीयांवर आली. नवरदेवाला उपचारासाठी तातडीने रुग्णालयामध्ये दाखल करण्यात आले. मात्र तोपर्यंत नवरदेवाचा मृत्यू झाला होता अशी माहिती डॉक्टरांनी दिली.

Edited By - Shivani Tichkule